Започнувајќи од средината на ноември, MaxTV за интернет корисниците во Mакедонија го обезбеди веб сервисот WEB MaxTV, достапен директно преку http://web.maxtv.mk или преку веб страницата www.maxtv.mk. Овој сервис овозможува гледање телевизија во живо преку интернет, 24 часа во текот на денот, без разлика каде и да сте, дома, на работа или излезени на прошетка.

Пристапот до сервисот е овозможен за сите интернет корисниците во Република Македонија. WEB MaxTV за првпат беше промовиран за време на ФИФА Светското првенство 2010, во рамки на 3 Screens проектот, кога корисниците можеа да ги следат фудбалските натрпевари на мобилен телефон, на интернет и преку MaxTV.

Преку веб сервисот WEB MaxTV може да се следат повеќе македонски канали. Во моментов, во понудата се вклучени 12 национални тв канали, кои можат да се следат во живо, во кое било време, независно од тоа каде се наоѓате. Бројот на тв канали кои можат да се гледаат преку WEB MaxTV ќе се зголемува во наредниот период. Понудата ќе се прошири со домашни телевизии, пред се локални тв канали, кои веќе се наоѓаат во понудата на MaxTV. Она што е особено интересно, е тоа што веб сервисот има функционалности кои што се идeнтични на MaxTV, како што е прелистување на програмите и регулирање на гласот со помош на далечински управувач. Телевизиската програма може да се гледа во висока, средна и ниска резолуција.

Засега, оваа услуга е достапна само доколку корисникот има пристап до интернет, независно од операторот. Но, пристапот до оваа страна е ограничен само на територијата на Македонија, што значи дека корисниците надвор од државава, немаат пристап до веб сервисот. При одбирање на каналот за гледање, корисниците на екранот добиваат информација за програмата која во моментото се прикажува, како и содржините кои подоцна ќе бидат емитувани.

На WEB MaxTV веб сервисот креиран е инфо канал, кој што е сосема идентичен како и за MaxTV, на кој можат да се видат објаснувања за функционалностите на MaxTV, како и понудата на најнови филмови од MaxTV видеотека.

Информации

{{Title}}