На 26 октомври, во Скопје, започнува 64. Генерално собрание на ЕТНО – Европска асоцијација на оператори на телекомуникациски мрежи. Во оваа асоцијација членуваат сите поголеми европски телекомуникациски оператори, иноватори и инвеститори коишто ја создаваат дигиталната инфраструктура на континентот преку најсовремени мрежи и услуги. Мисијата на ЕТНО е да развие позитивна политика и регулаторно опкружување во кое се поттикнува обезбедувањето услуги во Европа.

Годинава, кога се одбележуваат 30 години од постоењето на ЕТНО, Собранието се одржува во Македонија, со Македонски Телеком како домаќин. Никола Љушев, Генералниот извршен директор на Македонски Телеком, истакна: „ЕТНО е гласот на европските оператори и има исклучителна улога во креирањето политики коишто овозможуваат услуги од светски ранг за граѓаните и бизнисите. Чест ми е што годинава сме домаќини на Генералното собрание и очекувам сите заедно да се осврнеме на предизвиците и да работиме на нивното надминување. Заедничкиот став на европските телекомуникациски оператори е клучен за креирање позитивно опкружување, коешто е неопходно за дигиталниот напредок на Европа“.

Македонски Телеком е дел од оваа асоцијација веќе 25 години. ЕТНО постои од 1992 година и брои 40 членови и набљудувачи од Европа и пошироко. Ги спојува главните инвеститори во иновативни и висококвалитетни платформи и услуги за е-комуникација, опфаќајќи 70% од вкупните инвестиции во секторот.

Прес центар

{{Title}}