Хуманитарна акција „Сподели од срце, донирај со љубов“ на Македонски Телеком за бездомните и социјално загрозените лица
Акцијата е во соработка со Ретвитни оброк и е целосно реализирана од страна на вработените

Пакети со прехранбени намерници, како и есенски мантили против дожд денеска од страна на вработените на Македонски Телеком беа спакувани од срце и ќе бидат подарени со љубов во рамки на компаниската хуманитарна акција наменета за бездомниците и социјално загрозените лица.

Оваа акција со донаторски предзнак, компанијата ја спроведе во соработка со младите ентузијасти од „Ретвитни оброк“, кои на бездомните граѓани во саботите напладне им обезбедуваат топол оброк и малку помош во близина на споменикот на Мајка Тереза, во Скопје. В сабота на 30 октомври, таму ќе бидат поделени и пакетите од Македонски Телеком.

Овој вид на акции не се новина во компанијата, но секој пат одново и одново ја потврдуваат хуманата димензија на корпорацијата и дополнително го мотивираат колективот. Овие активности потврдуваат дека вработените не ја перципираат општествена одговорност само како техничка обврска на компанијата кон заедницата, туку секој учесник во акцијата се вложил од срце и покажал искрена грижа за оваа категорија на граѓани.

Акцијата е спроведена како дел од иницијативата на ниво на Групацијата Дојче Телеком, која се однесува на јакнење на корпоративните принципи и корпоративната култура. Во изминатите години, во рамки на оваа иницијатива беа подарувани книги за библиотеките во руралните средини, како и училишен прибор. Фрагменти од атмосферата достапни на социјалните мрежи со хаштаг: #retvitniobrok; #Telekom_MK.

Информации

{{Title}}