Викендов на 14 август, во Охрид ќе се собере светската пливачка елита

Македонски Телеком и Т-Mobile Македонија се поддржувачи на 25-тиот по ред меѓународниот пливачки маратон, кој што традиционално ќе се оддржи во Охрид викендов на 14 август. И годинава, светската маратонска пливачка екипа ќе ги бранува водите на Охридското езеро, при што само еден од 22 пријавени учесници ќе стигне прв на целта, откако ќе ја исплива 30 километарска патека „Климе Савин“ која се протега од Св. Наум до градското пристаниште.

Македонски Телеком и T-Mobile се горди што се дел од еден голем спортски настан кој што е собиралиште нè само на врвните светски пливачи, туку претставува и настан преку кој ширум светот се пренесува приказната за древниот Охрид и неговите убавини. Пливачкиот маратон во Охрид ги обединува најдобрите странски и домашни маратонци, кои во себе го носат духот на победата и остварување на врвни спортски резултати. Од друга страна, спортот е фактор за општествено обединување, се поттикнува тимскиот дух и се градат силни личности кои се стремат за постигнување на исклучителни резултати и успеси низ животот. Македонски Телеком и T-Mobile и во иднина ќе инвестираат и ќе го поддржуваат спортот бидејќи тој ги зближува луѓето кои меѓу себе споделуваат моменти за паметење, што всушност претставува и клучен елемент од бренд ветувањето „Сподели доживувања.

Македонски Телеком и T-Mobile, како општествено одговорни компании кои се грижат за потребите и барањата на граѓаните во заедницата, неколку години по ред,традиционално го поддржуваат Охридскиот маратон, кој е дел од светската организација ФИНА.

Охридскиот пливачки маратон е најголемата спортска манифестација во Македонија кој има долгогодишна традиција. На годинешниот маратон, се пријавени вкупно 22 пливачи во машка и женска категорија од девет држави: Македонија, Бугарија, Хрватска, Италија, Холандија, Шпанија, Сирија, Аргентина, Канада и Бразил.

Информации

{{Title}}