Над 161.000 DSL корисници на крајот од 2011 година, или за 6,7 % повеќе од 2010
Пораст од 33,2% во делот на IPTV, што резултира со 40 илјади корисници
Паметните телефони заземаат 20% од вкупната продажба на телефони

Македонски Телеком АД - Скопје и T-Mobile Македонија наспроти силното конкурентно опкружување остануваат лидери во сегментот на фиксната и мобилната телефонија и покажуваат значителен раст во интернет сегментот, притоа следејќи ја визијата за изградба на гигабитно општество и овозможување пристап до интернет за секое семејство. Ова укажува на цврсто поставените бизнис планови на Т брендот во Македонија и работењето во тек со пазарните и светски движења, а пред сè следењето на корисничките потреби.

Македонски Телеком задржа најголем дел од пазарниот удел, дури 76% во сегментот на фиксна телефонија и убедливи 57% удел на пазарот на широкопојасен интернет; Т-Мobile Македонија остана на врвот со над 50% удел на пазарот за мобилна телефонија, согласно интерните податоци.

Фокусот на Македонски Телеком на double и triple play пакетите, на крајот од 2011 година резултираше со над 161 илјади DSL корисници, што претставува пораст за 6,7% во споредба со 2010 година. Пред повеќе од три години, Македонски Телеком наметна нови високи стандарди во понудата на дигиталната телевизија со MaxTV услугата. Во изминатата година Т-Home брендот постигна исклучителни резултати со IPTV услугата, со бројка од 40 илјади корисници, што претставува зголемување за 33,2% во однос на 2010. Овој пораст е резултат на висококвалитетната услуга, збогатените содржини и пакети од канали за различни групи корисници, како и единственото тв искуство коешто го овозможува MaxTV услугата – контролата во рацете на корисникот.

„Сакаме да бидеме цврсти поддржувачи на технолошка револуција во оваа земја, а тоа планираме да го оствариме така што ќе останеме носители на новитетите во Македонија. Ова го изјавувам зад себе имајќи го светскиот Т бренд, ставајќи го во функција не само локалното, но и меѓународните искуства, а пред се свеста за модерна технологија на македонскиот граѓанин. Ги остваривме зацртаните проекции и бизнис плановите за 2011 година, иако работевме во услови на силна конкуренција на пазарот. Во 2012 година ќе ги зајакнеме сите сегменти на нашето работење: говорни услуги, широкопојасен интернет, IPTV услугата. Се разбира, инвестицијата во мрежата и вработените, како и понудата на квалитетни услуги во служба на корисникот и годинава ќе остане наш фокус, сè со цел да им го овозможиме најдоброто за нивните пари. Ќе се фокусираме на развој на нашиот бизнис и ќе продолжиме да се докажуваме секојдневно пред граѓаните како одговорна компанија во секој сегмент од нашето функционирање. Наша цел е да останеме пример за тоа како една компанија може да биде иноватор, моќен и фер бизнис играч, но во исто време и одговорен на многу полиња во македонското општество. Ќе го задржиме приматот најдобри!“, изјави г-динот Даниел Сас, главен извршен директор на Македонски Телеком АД - Скопје.

Интензивната конкуренција во мобилната телефонија, особено во сегментот на припејд и деловни корисници, влијаеше на намалувањето на говорните услуги во мобилната телефонија во 2011 година. Согласно светскиот тренд и кај македонските корисници е забележлива зголемената побарувачка за пренос на податоци, што пак влијаеше позитивно на вкупните приходи од мобилниот сегмент. Околу 20% од вкупно продадените телефони се должи на паметните телефони, што е показател дека растат корисничките потреби за пренос на податоци и користењето на интернетот.

„Или ќе се ориентираме кон иднината или ќе останеме заглавени онаму каде што сме. А токму тоа е нашиот бизнис и нашата цел, да одиме кон технолошки напредок, да го следиме развојот на телекомуникациите, воедно свесни за опаѓањето во користењето на одредени сегменти, да го дополнуваме во континуитет со нови иновативни решенија, произлезени од или пак понудени за да ги задоволат зголемените кориснички потреби. Нашата цел е и во 2012 да останеме лидери во мобилниот свет, следејќи ја нашата визија за „Поврзан живот и работа“. Ќе продолжиме да инвестираме затоа што само така ќе можеме да продолжиме да се движиме и да напредуваме. Модернизацијата на мобилната мрежа е предуслов на нашите корисници да им овозможиме брз и сигурен проток на податоци и видео содржини преку мобилен интернет. Оваа година очекувано е да ја обележи поголемата употреба на паметните телефони и уреди, што подразбира и пораст на користењето на мобилниот интернет. Наша задача е да го направиме достапен до поголем број на корисници“, изјави г-дин Жарко Луковски, главен извршен директор на T-Mobile Македонија.

Нето добивката на Македонски Телеком и на T-Mobile Групацијата за 2011 година изнесува 4,9 милијарди денари. „Нашиот успех зависи од успехот на целокупната бизнис клима во Македонија. Особено нè радува тоа што придонесуваме за поттикнување и зајакнување на бизнисот на нашите партнери, а нашиот капитал и инвестиции помагаат за остварување на повисоки цели – создавање мрежа на достојни играчи на пазарот и удел во претставувањето на земјата пред меѓународната заедница. Ги исполнивме очекувањата на нашите корисници и акционери во 2011. Постигнувањето на планот во изминатата година претставува солидна основа, но истовремено и поттик не само за менаџерите туку и за вработените, целосно да се посветат и да работат на целите за 2012, задоволувајќи ги при тоа потребите и интересите на корисниците и акционерите“, изjави главниот директор за финансии во Македонски Телеком и T-Mobile Македонија, г-дин Славко Пројкоски.

Информации

{{Title}}