Со свеченото отворање на DAVIS CUP 2011 во средата, на 11 мај, во просториите на Тенискиот клуб „Југ“ во Скопје, на централниот терен беше запечатено уште едно пријателство на Македонски Телеком и T-Mobile Македонија, овој пат со Македонската тениска федерација.

Имено, МКТ и ТММК се спонзори на спортскиот настан DAVIS CUP натпревари во рамки на Европската зона Група III, кој од 9-ти до 14-ти мај се одржува во Тенискиот клуб „Југ“ во Скопје, а е во организација на Македонската тениска федерација.

Пријавени екипи за DAVIS CUP оваа година се: Албанија, Норвешка, Андора, Малта, Ерменија, Молдавија, Грузија, Црна Гора, Турција, Сан Марино, Исланд и Македонија, која е и домаќин на ова убаво спортско случување.

Со својата поддршка, нашата компанија повторно и по којзнае кој пат ги потврдува заложбите за преземање активна улога во развојот на спортот и спортските случувања со светски „шмек“.

Информации

{{Title}}