Приходите од интернетот и дигиталната телевизија преку интернет протокол (IPTV) во првиот квартал од 2012 година се зголемија за 7,4% во споредба со првиот квартал од 2011 година
Зголемен број на DSL корисници за 5,6% што резултира со 162 илјади претплатници на интернет на крајот од март 2012 година
На крајот на март 2012 година бројот на IPTV корисници изнесува 42 илјади, што претставува пораст за 26,6% во споредба со истиот период минатата година
Во првиот квартал од 2012 година, оперативните приходи на Македонски Телеком и на T-Mobile Групацијата изнесуваат 3,4 милијарди денари

Македонски Телеком АД-Скопје и T-Mobile Македонија стојат цврсто на лидерската позиција на пазарот во фиксниот и мобилниот сегмент наспроти силното пазарно опкружување, покажуваат консолидираните финансиски резултати од работењето за првиот квартал од 2012 година. Во првите три месеци од годината се забележува значителен пораст во интернет и IPTV сегментот, како резултат на стратешката определба за развој и поголема достапност на модерната и квалитетна технологија до корисниците во Македонија.
Сепак, во првиот квартал од годината, пред сè како резултат на големата конкуренција на пазарот на мобилна телефонија, приходите од продажба на ниво на Групација се намалени за 12,2% во споредба со истиот период во 2011 година.
Македонски Телеком и натаму го задржува лидерското место во сегментот на фиксна телефонија со удел од 75% на пазарот и во сегментот на широкопојасниот интернет со удел од 56%, согласно интерните податоци. Бројот на корисниците на интернет е зголемен за 5,6% како резултат на фокусот на Македонски Телеком на double и triple play пакетите, што резултира со 162 илјади DSL корисници на крајот од март 2012 година.
Во првите три месеци од годината Македонски Телеком како резултат на уникатната и висококвалитетна услуга, интерактивните функции и единственото ТВ искуство, постигна зголемување и на бројот на IPTV корисници за 26,6% во споредба со крајот на март 2011 година, при што бројот на корисници изнесуваше 42 илјади на крајот на март 2012 година.

Во првиот квартал од 2012 година, оперативните приходи на Македонски Телеком и на T-Mobile Групацијата изнесуваат 3,4 милијарди денари. Горенаведените движења резултираа со нето добивка за првиот квартал од 2012 година од 761 милиони денари.

„Со нашата стратегија и посветеноста за изградба на гигабитно општество се движиме во вистинска насока. Па така, приходите од интернетот и дигитална телевизија преку интернет протокол (IPTV) во првиот квартал од 2012 година се зголемија за 7,4% во споредба со истиот период во изминатата година. Резултатите се охрабрувачки. Но, корисниците стануваат се повеќе пребирливи, па затоа ќе мора да се прилагодуваме кон нивните барања и можности. Во периодот што следува, приходите ќе ги стабилизираме со широкопојасните услуги, дополнително развивање на IPTV услугата, нудејќи иновативни производи, апликации и нови содржини. Ќе го прошириме нашиот бизнис со иновации во електронското плаќање, а се разбира ќе се развиваме и во други области со кои што ќе ја подобриме нашата ефикасност, сè со цел да имаме задоволни корисници и да го исполниме нашиот план“, вели г-дин Даниел Сас, главен извршен директор на Македонски Телеком АД-Скопје и претседател на Одборот на Директори на T-Mobile Македонија.

Интензивната конкуренција влијае на намалување на приходите од мобилна телефонија. Опаѓањето на приходите најмногу се должи на падот на приходите од говорни малопродажни услуги, пред сè како резултат на намалувањето на базата на претплатници што резултираше со 1.229 илјади претплатници на крајот од март 2012 година. Сепак, дури и со оваа силна конкуренција во цените, T-Mobile Македонија ја одржа својата водечка позиција на пазарот со 50% удел на пазарот, според интерните податоци.

„Конкуренцијата е силна, но ние и натаму сме број еден на пазарот заради квалитетот на услугите, иновациите и напредната технологија. Нашата визија е да останеме предводници на технолошките промени, фокусирајќи се на конвергираните услуги, како силен двигател на пазарот. Мобилниот интернет останува во нашиот фокус, при што наша стратешка определба и натаму ќе биде воведување на подобрени услуги и нови апликации од следната генерација, различни решенија базирани на интернет, како и понуда на најнови паметни или „смарт“ телефони на пазарот. Како лидери на пазарот ќе го донесеме најдоброто комуникациско решение кое ќе овозможи забава, дружење но и олеснување на бизнисот. Едноставно, тоа им го должиме на нашите корисници“, вели главниот извршен директор на T-Mobile Македонија, г-дин Жарко Луковски.

Информации

{{Title}}