Македонски Телеком АД Скопје добитник е на две исклучително високи признанија за својата работа, однесување и покажаните резултати во заедницата.

Од страна на Стопанската Комора, Македонски Телеком е прогласена за финансиски најуспешна компанија во Македонија. Оваа награда е потврда не само за успешното работење туку е признание и за нејзината посветеност која е вкоренета во темелите на компанијата.

Второто престижно признание е добиено од невладината организација Транспарентност-Нулта Корупција, во соработка Стопанскaта Коморa на Македонија и Стопанската Комора на северозападна Македонија. Македонски Телеком доби Сертификат за компанија со добро корпоративно управување во 2010 година.

Двете награди претставуваат особна чест за компанијата, која во континуитет е посветена на заложбите да биде примерен, успешен, сериозен и пред се партнер од доверба во заедницата.

Овие награди, исто така, ќе бидат поттик за поголем придонес и ангажман на компанијата во насока на подобрување на бизнис климата во Р. Македонија.

Информации

{{Title}}