Новиот продажен салон на Т брендот е единствен од ваков тип во регионот
Македонија е втора земја во Европа која може да се пофали со ултра модерниот и комплетно интерактивен Телеком салон

Со отворањето на најголемиот трговски центaр кај нас, City mall, денес Т брендот го промовираше новиот продажен салон, кој е единствен од овој тип во регионот, а трет по ред во рамки на целата Дојче Телеком групација. Салони од ваков тип до сега се отворени во Унгарија, а по Македонија следуваат Холандија, Германија и Хрватска.

„ Денес ги отворивме вратите на локација која ни ја приближува иднината на технологијата и ја прави достапна за сите посетители. Овој продажен салон ни носи динамичност и единствено мултимедијално искуство, но во исто време ни нуди комфор и решенија адаптирани за наше секојдневно функционирање. Во салонот е вградена најмодерна технологија која не носи чекор напред во еволуцијата на мобилните податочни услуги. Целта на оваа наша инвестиција е на секој посетител да му овозможиме со себе да понесе модерно и футуристичко доживување, да бидеме единствени со понудата и со најдобри кориснички сценарија.“, изјави Огнен Фирфов, Раководен директор за продажба.

Телеком продажниот салон е исполнет со моќни технолошки уреди и алатки, место каде можат да се доживеат од прва рака последните телекомуникациски решенија. Просторот му овозможува на секој посетител на побрз и поедноставен начин да се запознае со MaxTV пакетите и различните ТВ апликации, да дознае кои се придобивките од оптиката како најнапредна технологија, да ги проба најмодерните мобилни телефони и таблети, како и сите услуги и продукти на Т-Home и T-Mobilе. Дополнително, ултра модерниот и футуристички дизајн нуди интерактивно истражување и забава за секој посетител.

Новоуредената продажна локација на T-Mobile и Македонски Телеком во City mall е резултат на заложбата за постојано подобрување на Телеком продажните салони согласно современите потреби и барања на корисниците.

Информации

{{Title}}