Со iPhone X, целиот уред е еден голем екран. Новиот 5,8-инчен екран Super Retina ја исполнува дланката и ги маѓепсува очите.¹

Екранот има нова техника и технологија, која прецизно ги следи линиите на дизајнот сe до елегантно заоблените агли.

Првиот екран OLED што е на ниво на стандардите на iPhone, со прецизни, фантастични бои, вистински црни нијанси, висока осветленост и сразмер на контрастот од 1.000.000 спрема 1.

На мал простор е сместена најсофистицираната технологија што некогаш сме ја развиле, вклучувајќи камери и сензори со кои се овозможува Face ID.

Најиздржливото стакло некогаш направено за смартфон, и однапред и одзади. Челик отпорен на корозија со квалитет на хируршки инструмент. Безжично полнење. Отпорност на вода и на прашина.²

Движењата што веќе ви се познати овозможуваат природна и интуитивна навигација. Наместо да притискате копче, со обично повлекување стигнувате на почетниот екран од каде било.

Face ID е овозможено со камерата TrueDepth и се поставува едноставно. Проектира и анализира повеќе од 30.000 невидливи точки за да создаде прецизна длабочинска мапа на вашето лице.

Создавајте убави селфи со изострени детали во преден план и уметнички заматени заднини.

Нова функција во режимот на портрет, со која се добиваат импресивни ефекти на осветленост со квалитет на професионално студио.

Камерата TrueDepth анализира повеќе од 50 различни движења на мускулите за да може да го преслика вашиот израз на лицето со помош на 12 animoji. Откријте ги пандата, прасето или роботот во вас.

Поголем и побрз сензор од 12MP. Нов филтер за бои. Подлабоки пиксели. Како и нова телефото камера со OIS.

Камерите за чувствување на длабочината и прецизното мапирање лица создаваат исклучителни ефекти на осветлување со студиски квалитет.

Обете задни камери имаат оптичка стабилизација на слика и брзи леќи за извонредни фотографии и видеа дури и на слаба светлина.

Широкиот агол и телефото камерите на iPhone X овозможуваат оптички зум, како и дигитален зум до 10 пати за фотографии и до 6 пати за видеа.

Ви го претставуваме A11 Bionic. Најмоќниот и најпаметниот чип некогаш направен за паметен телефон со невронска машина што е способна за 600 милијарди операции во секунда.

Четирите ефикасни јадра во целосно новиот CPU се до 70 проценти побрзи од A10 Fusion. А двете работни јадра се побрзи до 25 проценти.

Машинското учење овозможува Face ID да се приспособи на физичките промени на вашиот изглед низ времето.

Контролор на перформансите од втора генерација и приспособен дизајн на батеријата, која трае до два часа подолго меѓу полнења во споредба со iPhone 7.⁵

Новата тријадрена GPU дизајнирана од Apple е до 30 проценти побрза од A10 Fusion.

A11 Bionic овозможува неверојатно искуство на зголемена реалност во игрите и во апликациите.

Полнете со помош на безжичните станици за полнење и подлошките што ќе ги најдете во хотели, кафулиња и на аеродромите низ светот.

Телефон што е целиот екран бара целосно преосмислен оперативен систем со нови способности и движења.

Плаќајте им на пријателите преку пораки.* Дозволете ѝ на Siri да ви биде преведувач. И откривајте нова музика со пријателите во Apple Music.⁷

Играјте неверојатни игри со зголемена реалност (AR) и користете апликации на најголемата платформа во светот за зголемена реалност.