MAXTV - најдобрата телевизија во македонија

ТВ Водичот обезбедува информации за ТВ програмата на сите канали. Со само еден клик ќе добиете информации за емисиите на сите програми за следните 11 и последните 2 дена.

До ТВ Водичот можете да пристапите преку копчето „EPG/Guide“ на далечинскиот управувач. ТВ програмата е хронолошки подредена. Во редовите е даден приказ на самите канали, а во колоните – времето на емитување на содржините.

Mожете да изберете приказ на ТВ Водичот по канали и со навигација лево-десно, да ја гледате програмата за секој канал посебно. Со селектирање одредена содржина, добивате краток опис и детали за неа, а можете и да ја снимате без да ја прекинете програмата што ја следите во моментот.

Со притискање на копчето „Опции“ на далечинскиот управувач, можете да пристапите до опциите на ТВ Водичот. Имате опција за брз пристап до конкретен ден, можете да ја менувате листата на канали кои сакате да се прикажуваат во ТВ Водичот или пак, да креирате листа на омилени канали.

Доколку сте пропуштиле добра содржина на MaxTV, ТВ-теката е архива којашто ја содржи целата програма од последните 7 дена. Во ТВ-тека можете да ги гледате достапните содржини и тоа од следните 33 MaxTV канали:

• Националните: МТВ 1, МТВ 2, Сител, Канал 5, Алфа ТВ, Телма, ТВ 24, Наша ТВ, ТВ Сонце, Алсат-М, Клан Македонија, РТВ 21, ТВ Шења;
• Филмските: Action M, Fantasy M, Epic Drama, M1, M1 Gold и TV 1000;
• Детските: Boomerang, Cartoon Network и Minimax;
• Документарните: Kitchen TV, Viasat Explore, History и Nature;
• Спортските: Arena Sport 1, Arena Sport 2, Arena Sport 3, Arena Sport 4 и Arena Sport 5;
• Регионалните: Al Jazeera и РТС Свет.

За да ја гледате посакуваната содржина, влезете во ТВ-тека, селектирајте го каналот и датумот на кој се емитувала содржината и потоа пребарајте ја содржината според времето кога се емитувала.

Со притискање на копчето „Back“ од далечинскиот управувач, продолжете со гледање содржини од истиот датум. За излез од ТВ-теката, притиснете „Exit“.

Со опцијата Снимање, снимајте ја вашата омилена серија и гледајте ја кога ќе посакате. Закажете снимање на содржината што ја гледате во живо со притискање на копчето „Record“ од далечинскиот управувач.

Притиснете го копчето „Мени“ на далечинскиот управувач и одберете „Снимање“. Тука ги гледате снимените содржини и можете да закажете ново снимање.

Закажете снимање директно од ТВ Водичот со притискање на „Сними епизода" или со притискање на копчето „Record" врз содржините обоени во магента. За снимање на повеќе последователни содржини со ист наслов, притиснете „Сними серија".

Со внесување клучни зборови во „Пребарување", најдете ја програмата што сакате да ја снимите. За латинично писмо, одберете „EN" под азбуката. Движете се со помош на стрелките.

За да закажете снимање на конкретен канал, внесете го неговиот реден број во полето „Канал", селектирајте ги датумот и времето на емитување, одредете почеток и крај на снимањето и одберете „Сними".
Снимените содржини можете да ги погледнете преку категоријата „Снимање” во главното мени.

Не пропуштајте ништо на MaxTV. Паузирајте ја програмата што ја гледате, и подоцна продолжете со гледање од моментот кадешто сте застанале. Погледнете ја возбудливата сцена уште еднаш со можноста за враќање назад на програмата што ја гледате, и потоа со премотување напред дојдете до моментот на прикажување на програмата во живо.

Плус, новата подобрена верзија на MaxTV ви нуди дополнителни опции за полесна и побрза интеракција.
На инфо-лентата можете да ја активирате опцијата „Гледај во HD“, доколку таа е овозможена за каналот што го гледате во живо.
Одберете една од последно гледаните содржини од ТВ во живо или од видеотека со копчето „Last“ на далечинскиот управувач.
Со помош на стрелките „←“,„→“ на далечинскиот управувач имате можност за навигација во инфо-лентата со што можете да ги видите наредните и претходните емисии на конкретниот или на друг канал.

Со опцијата Од почеток која се наоѓа на инфо-лентата, содржината што ја гледате во моментот можете да ја вратите од почеток. Инфо лентата нуди и дополнителни функции со кои лесно може да се навигира низ ТВ содржините.

Oпцијата „Од почеток“ се наоѓа на инфо-лентата при гледање на содржините во живо.
На инфо лентата можете да ја активирате и опцијата „Гледај во HD”, доколку е овозможена за каналот што го гледате во живо.

Со помош на стрелките за лево и десно на далечинскиот управувач можете да навигирате во инфо-лентата со што можете да ги видите наредните и претходните емисии на конкретниот или на друг канал.

Преку копчето „Last“ на далечинскиот управувач можете брзо да пристапите до последно гледаните содржини од ТВ во живо или од Видеотека.

Видеотеката е вашето домашно кино достапно 24/7 преку кое можете да изнајмувате голем број филмови од различни жанрови, серии, детски емисии и други содржини. Пристапете преку главното мени или со копчето на далечинскиот управувач.

Во категоријата „Филмови“, имате можност да изнајмите филмска содржина во траење од 24 часа. Одберете го филмот што сакате да го изнајмите, притиснете „ОК" и ќе добиете повеќе информации и цена за изнајмување.

Преку „Пакети“ пристапувате до ексклузивните содржини од HBO и Pickbox пакетите, доколку сте претплатени на нив.

Со опцијата „Мој избор“ можете брзо да пристапите до моментално изнајмените филмови, до вашите омилени содржини и до последните филмови што сте ги гледале. За да додадете филм во категоријата „Омилени“, притиснете го копчето „Мој избор“ што се наоѓа во краткиот опис на секој филм.

Во бесплатната ТВ Архива можете да ги најдете следниве содржини: македонски документарци, „Патување со рабробус”, „Патување со рабробил”, „Златно славејче”, „Гроздоберче”, концерти, „Скопски џез фестивал”, „Еден на еден”, „Топ форма”, „Тинтири минтири” и некои играни филмови.

Во „Останати содржини” можете да ги изнајмите најдобрите Stand-up настапи на домашни и странски комичари или пак, да гледате документарни филмови.

Со помош на опцијата за „Пребарување“ можете да пронајдете и директно да пристапите до одредена содржина од Видеотеката според клучен збор.

Со опцијата „Промена на приказ“ имате можност да одберете преглед на содржините во Видеотеката според постери или листи.

Едноставно лоцирајте ја програмата што сакате да ја следите. Преку неколку лесни чекори за пребарување, веднаш ќе стигнете до бараната содржина.

Пребарувајте содржини или филтрирајте го пребарувањето преку копчето „Опции". Пребарувањето ограничете го само на наслови или пребарувајте по личности, канали, по веќе снимени или по содржини за изнајмување. Откако ќе го одберете начинот на пребарување, за враќање во полето за пребарување, притиснете „Назад/back".

Впишете клучни зборови (наслов, актери и сл.) и најдете ја програмата. За латинично писмо, притиснете ја опцијата „EN" под азбуката. Навигирајте со стрелките „←“,„→“,„↑“, „↓“. За бришење на текстот, притиснете „Избриши" или притиснете го копчето „Назад/back", а за излез од Видеотеката, притиснете „Exit“.

Во делот „Телевизија“ преку „Размер и резолуција на екранот” можете да ги нагодите размерот и резолуцијата на 720p или 1080i за HD Ready и Full HD ТВ приемник. За постари ТВ приемници, изберете 4:3 резолуција.

Преку делот „ТВ водич” можете да го прилагодите редоследот на каналите според вашите желби. Преку „Омилени канали” додадете или отстранете канали во оваа листа. Преку „Јазик на превод“ – изберете го саканиот јазик на преводот, а во делот „Општо“ преку опцијата „Јазик на менито”, изберете го и јазикот на менито: македонски, албански или англиски.

Со функцијата „Родителска контрола“, преку внесување PIN код, ќе бидете сигурни дека вашите деца нема да имаат пристап до емисии и содржини коишто не се наменети за нив или пак, нема да изнајмуваат содржини без ваше знаење.

Имате можност за заклучување на листата на канали, заклучување на изнајмувањето одредени содржини од Видеотеката, како и заклучување на содржините за возрасни.