TV Guida siguron informacione mbi TV programet e të gjitha kanaleve. Me vetëm një klikim do të merrni informacion për emisionet e të gjitha programeve për 11 ditët e ardhshme dhe për 2 ditët e kaluara.

Te TV Guida mund të keni qasje përmes butonit „EPG/Guide“ në telekomandë. TV programi është i organizuar në mënyrë kronologjike. Në rreshta janë dhënë lista e kanaleve, ndërsa në kolona – koha e transmetimit të përmbajtjes.

Mund të zgjidhni paraqitjen e TV Guidës sipas kanaleve dhe me lundrimin majtas-djathtas, të ndiqni programin për çdo kanal në veçanti. Duke zgjedhur në përmbajtje të caktuar, ju jepet përshkrim i shkurtër dhe detajet për të, ndërsa mund edhe ta inçizoni pa e ndërprerë programin që e ndiqni në atë moment.

Duke shtypur butonin „Opcionet“ në telekomandë, mund të kini qasje te opcionet e TV Guidës. Keni opcionin për qasje të shpejtë për ditë konkrete, mund të ndryshoni listën e kanaleve që dëshironi të shfaqen në TV Guidë ose, të krijoni listë të kanaleve të preferuara.

Me TV-tekën mund ti ndiqni programet për 7 ditët e kaluara, pa rezervuar paraprakisht inçizimin e tyre. Në këtë arkiv gjendet i tërë programi nga 7 ditët e kaluara i këtyre kanaleve: MTV 1, Sitel, Kanal 5, Telma, Alfa, Alsat М, TV Nova, RTV 21 M dhe Arena Sport 1.

Për të shikuar përmbajtjen e dëshiruar, së pari zgjidhni kanalin, pastaj datën kur është transmetuar përmbajtja dhe në fund – kohën e transmetimit.

Duke shtypur butonin „Back“ në telekomandë, menjëherë vazhdoni me ndjekjen e përmbajtjeve të datës së njëjtë.
Për dalje nga TV-teka, klikoni „Exit“.

Me opcionin Inçizimi, inçizoni serialin tuaj të preferuar dhe shikoni kur të dëshironi. Rezervoni inçizimin e përmbajtjes që e shikoni drejtpërdrejt duke shtypur butonin „Record“ nga telekomanda.

Shtypni butonin „Menu“ në telekomandë dhe zgjidhni „Inçizim“. Këtu mund ti shikoni përmbajtjet e inçizuara dhe mund të rezervoni inçizim të ri.

Rezervoni inçizim drejtpërdrejt nga TV Guida duke shtypur në „Inçizo episodin" ose duke shtypur butonin „Record" mbi përmbajtjet me ngjyrë të purpurtë. Për inçizimin e më shumë përmbajtjeve të njëpasnjëshme me tirull të njëjtë, shtypni „Inçizo serial".

Duke shkruar fjalët kyçe në „Kërkimi", gjeni programin që dëshironi ta inçizoni. Për alfabetin latin, zgjidhni „EN" nën alfabetin. Lëvizni me ndihmën e shigjetave.

Për të rezervuar inçizimin e kanalit konkret, shkruani numrin e tij rendor në fushën „Kanali", zgjidhni datën dhe kohën e transmetimit, përcaktoni fillimin dhe përfundimin e inçizimit dhe zgjidhni „Inçizo".
Përmbajtjet e inçizuara mund ti ndiqni përmes kategorisë „Inçizimi” në menynë kryesore.

Mos lejoni t’ju ik asgjë nga MaxTV. Pauzoni programin që ndiqni dhe më vonë vazhdoni me ndjekjen nga momenti ku keni pauzuar. Shikoni edhe një herë skenën emocionuese me mundësinë për të kthyer mbrapa programin që ndiqni dhe pastaj duke ecur programin përpara të vini deri te momenti i shfaqjes së programit drejtpërdrejt.

Plus, verzini i ri i përmirësuar i MaxTV ju ofron opsione plotësuese për interaksion më të lehtë dhe më të shpejtë.
Në shiritin e informacioneve mund të aktivizoni opsionin „Shiko në HD“, nëse e njëjta është e mundësuar për kanalin që e ndiqni drejtpërdrejt.
Zgjidhni një prej përmbajtjeve të fundit të shikuara nga TV drejtpërdrejt ose nga videoteka me ndihmën e butonit „Last“ në telekomandë.
Me ndihmën e shigjetave „←“, „→“ në telekomandë keni mundësi për lundrim nëpër shiritin e informacioneve, me çrast mund ti ndiqni emisionet e kaluara ose të ardhshme në kanalin konkret ose në kanalin tjetër.

Videoteka është kinemaja juaj shtëpiake në dispozicion 24/7 përmes së cilës huazoni numër të madh filmash nga zhanre të ndryshëm, seriale, emisione fëmijësh dhe përmbajtje të tjera. Mund ta bëni përmes menysë kryesore ose duke shtypur butonin nga telekomanda.

Në kategorinë „Filma“, keni mundësinë e huazimit të përmbajtjeve me filma në kohëzgjatje prej 24 orëve. Zgjidhni filmin që dëshironi ta huazoni, shtypni „ОК" dhe do të merrni më tepër informacion dhe çmimin e huazimit.

Përmes „Pako“ kini qasje te përmbajtjet ekskluzive nga pakot HBO dhe Pickbox, nëse jeni të abonuar për to.

Me opcionin „Zgjedhja ime“ mund shpejt të keni qasje te filmat e huazuar për momentin, te përmbajtjet tuaja të preferuara dhe te filmat e fundit që i keni shikuar. Për të shtuar filma në kategorinë „Të preferuar“, shtypni butonin „Zgjedhja ime“ që gjendet në përshkrimin e shkurtër të çdo filmi.

Në TV Arkivin falas mund ti gjeni këto përmbajtje: dokumentare maqedonase, „Udhëtimi me rabrobus”, „Udhëtimi me rabrobil”, „Bilbili i artë”, „E vjelura”, koncerte, „Xhez festivali i Shkupit”, „Një në një”, „Top forma”, „Tintiri mintiri” dhe disa filma artistik.

Në pjesën „Përmbajtje të tjera” mund ti huazoni Stand-up shfaqjet e komediantëve vendorë dhe atyre të huaj ose, të shikoni filma dokumentarë.

Me ndihmën e opcionit „Kërkimi“ mund të gjeni dhe drejtpërdrejt të kini qasje te përmbajtja e caktuar nga Videoteka sipas fjalës kyçe.

Me opcionin „Ndrysho paraqitjen“ keni mundësinë të zgjidhni pasqyrimin e përmbajtjeve në Videotekë sipas afisheve ose listave.

Thjeshtë, lokalizoni programin që dëshironi ta ndiqni. Përmes disa hapave të lehtë të kërkimit, menjëherë do ta gjeni përmbajtjen e dëshiruar.

Kërkoni përmbajtje ose filtroni kërkimin përmes butonit „Opcione". Kërkimin mund ta kufizoni vetëm për tituj ose për personalitete, kanale, për përmbajtje të inçizuara ose për përmbajtje të huazuara. Pasiqë të zgjidhni mënyrën e kërkimit, për kthimin e fushës për kërkim, shtypni „Mbrapa/back".

Shkruani fjalët kyçe (titull, aktor etj.) dhe gjeni programin. Për alfabet latin, shtypni opcionin „EN" nën alfabetin. Lundroni me shigjetat „←“,„→“,„↑“, „↓“. Për fshirjen e tekstit, shtypni „Fshini" ose shtypni butonin „Mbrapa/back", kurse për dalje nga Videoteka, shtypni „Exit“.

Në pjesën „Televizioni“ përmes „Raporti dhe rezolucioni i ekranit” mund ta konfiguroni raportin dhe rezolucionin në 720p ose 1080i për HD Ready dhe Full HD ТV. Për TV aparate më të vjetra, zgjidhni rezolucionin 4:3.

Përmes pjesës „TV guida” mund ta konfiguroni rradhitjen e kanaleve sipas dëshirës suaj. Përmes opcionit „Kanalet e preferuara” shtoni ose largoni kanalet nga kjo listë. Përmes opcionit „Gjuha e përkthimit“ – zgjidhni gjuhën e dëshiruar të përkthimit, kurse në pjesën „Të përgjithshme“ përmes opcionit „Gjuha e menysë”, zgjidhni gjuhën e menysë: maqedonisht, shqip ose anglisht.

Me funksionin „Kontrolli prindëror “, përmes futjes së PIN kodit, do të jeni të sigurtë se fëmijët tuaj nuk do të kenë qasje te emisionet dhe përmbajtjet që nuk janë të dedikuara për fëmijë, ose të huazojnë përmbajtje pa njohurinë tuaj.

Keni mundësinë e mbylljes së listës së kanaleve, mbylljen e huazimit të përmbajtjeve të caktuara nga Videoteka si dhe mbylljen e përmbajtjeve për të rritur.