Македонски Телеком своето традиционално и долгогодишно партнерство со „Охридско лето”, една од најголемите и најважни културни манифестации во земјава, оваа година го збогати со нов иновативен музички проект насловен како „Гласот на Охридското Езеро”.

Проектот ги обединува технологијата, музиката и природата и е во чекор со заложбите на компанијата за користење на технологијата за добро, со намера да нѐ поттикне да се фокусираме на позитивните страни што ги носи технологијата, и за нејзино искористување за добри цели.

Во тој контекст, остваривме соработка со еден од најиновативните музички композитори во земјава, Џијан Емин, кој благодарение на неограничените можности на технологијата, успеа да ги сними звуците на Охридското Езеро. Станува збор за несекојдневен музички проект преку кој во реално време ќе може да се слушне Охридското Езеро, со сите негови специфичности и посебности, доловено преку посебната музика креирана од Џијан.

Од денеска, веќе е функционална интернет страницата http://glasotnaezeroto.mk/каде што секој заинтересиран во живо може да слушне какви звуци има езерото на различна длабочина, во различни временски услови (променливо, облачно или во сончеви периоди),.. каков е гласот на Охридското Езеро во туристички пикови и метеж на градските плажи, или колку е мирно и идилично во раните утрински часови.

Како тоа функционира? Toj e сложен компјутерски алгоритам кој „се храни" со активни податоци и варијабли директно врзани со Охридското Езеро (временски услови, период од денот, длабочина, жив свет, надворешни фактори и друго). Потоа, алгоритaмот сето тоа го „преведува“ во звучни мостри креирани од Џијан Емин, со што на природниот спектакл за прв пат му е даден глас преку кој можеме да ги чуеме волшебните звуци на македонскиот природен бисер. Видеото можете да се погледне на следниов линк.

Овој уникатен музички проект на Македонски Телеком има за цел да нѐ потсети на убавините на Охридското Езеро, на неговото непроценливо значење и вредност, и исклучителната важност за негово зачувување.

Со оваа наша идеја, ја пренесуваме пораката дека технологијата можеме да ја користиме за навистина корисни и пред сè значајни работи за граѓаните, но и за целото општество. Истомвремено, проектот нè поттикнува да станеме свесни за вредноста на нашите природни и културни богатства кои треба да ги зачуваме за генерациите што доаѓаат.

Соопштенија за медиуми

{{Title}}