Фондацијата T-Mobile за Македонија денеска донираше мебел во Домот за деца без родители „11 Октомври“, со што се заокружи Месецот на активен волонтеризам на вработените од T-Mobile и Македонски Телеком. Во рамките на Месецот на активен волонтеризам, кој траеше во периодот од 18 октомври до 19 ноември, беа реализирани неколку донаторски акции, при што беа донирани околу 300 парчиња мебел.

Фондацијата, освен на Домот за деца без родители „11 Октомври“, донираше столчиња, маси и шкафчиња и на СОС Детското село, на невладините организации „Калисто“, „Интегрити“, „Алфа и Омега“, Сојузот на жени, како и целосно реновирање на просториите и опремување со мебел на Одделот за цревни инфекции при Инфективната клиника во Скопје.

Со реализацијата на овие хуманитарни активности во кои беа вклучени вработените од двете компании, Фондацијата придонесува за градење на корпоративна општествена одговорност, но и за подигнување на јавната свест за потребата од вклучување на деловните субјекти во општествено хумани активности.

Мисијата на Фондацијата T-Mobile за Македонија е пронаоѓање на различни начини за генерирање идеи и инвестиции со кои ќе може да им се помогне на лицата во неволја, како и на организации и институции за реализација на проекти од општествен интерес. Воедно, Фондацијата се залага за доближување на невладиниот и деловниот сектор, како и за помасовно и поактивно инволвирање на деловниот сектор во поддршката на нашето општество во различни сфери од неговиот развој.

Информации

{{Title}}