Makedonski Telekom e ka modernizuar dhe sendërtuar plotësisht rrjetin në vitin 2022, me çka tani ajo është gati për gjeneratën e ardhshme të teknologjive. Ndryshime të këtilla të mëdha në telekomunikacione ndodhin një herë në 10 vjet dhe bartin me vete transformimin e vetë teknologjisë dhe të shërbimeve për përdoruesit, si dhe superioritetin e përvojës abonuese.

Modernizimi rrjetit

Me përfundimin e këtij projekti, i cili është realizuar me investime disamilionëshe dhe punë të përkushtuar në terren, është vendosur baza, gjegjësisht rrjeti më bashkëkohor, mbi të cilin do të ndërtohet bota e re digjitale. Për vetëm 18 muaj janë vendosur 900 stacione të reja bazë, në të cilat është i kapshëm NBIoT për M2M komunikim. Kapaciteti i rrjetit të ri të modernizuar është rritur për madje 70%, ndërsa shpejtësitë mesatare të abonuesve për 50%.

Rrjeti i parë dhe më i madh 5G

Pas testimeve dhe përgatitjeve disavjeçare, në shkurt të këtij viti, kompania e lëshoi 5G rrjetin e parë komercial në Maqedoni dhe mundësoi shfrytëzim të 5G shërbimeve me teknologji të avancuar për shfryëzim dinamik të radiofrekuencave ekzistuese. Në korrik i ka marrë 5G radiofrekuencat dhe me këtë edhe mundësinë e shpejtësive gigabite për abonuesit. Rrjeti rritej dhe zhvillohej dhe vetëm për 18 muaj, abonuesve në 26 qytete dhe rrethinat e tyre u është mundësuar të përdorin shërbimet e gjeneratës së re. Shpejtësitë gigabite dhe vonesa e ulët janë një realitet, ndërsa tashmë 12% e të gjithë trafikut është në 5G.

Aplikimi i teknologjive të reja në të ardhmen

Kjo teknologji do të jetë fuqi lëvizëse për zhvillimin e funksionaliteteve të reja në më shumë fusha, të cilat do të na thjeshtësojnë dhe përmirësojnë jetën në të gjitha sferat. Për shembull, përmes Massive loT, do të mundësohet zhvillim i dukshëm në pjesën për qytete të mençura dhe infrastrukturë të mençur. 5G do të mundësojë zbatim të inteligjencës artificiale për përmirësimin e efikasitetit të vet rrjetit. Përmes inteligjencës artificiale do të mund të detektohen edhe mospërputhjet më të vogla në funksionimin e rrjeteve dhe sistemeve, që dërgojnë sinjale kyçe. Në këtë mënyrë, ato do të mund të parandalohen pa i vërejtur fare abonuesit. E gjithë kjo do të sigurojë rrjet dhe shërbim superior, shërbime dhe produkte të papara deri më tani, si dhe një qasje të gjerë për të gjithë deri te teknologjitë e reja.

Pres Qendra

{{Title}}