Makedonski Telekom edhe më tej është lider në më shumë segmente në treg, tregojnë rezultatet e punës së kompanisë në tremujorin e parë të vitit 2022. Të ardhurat nga shitja janë rritur për 3,5 për qind në krahasim me vitin e kaluar dhe janë 2,8 milionë denarë. Fitimi operativ para interesit, tatimimit dhe amortizimit (EBITDA) është zvogëluar për 3,4 për qind në krahasim me periudhën e njëjtë të vitit të kaluar kryesisht si rezultat i trendeve ekonomike globale dhe rritjes së koniderueshme të çmimit të energjisë elektrike.
Në kuartalin e parë, kompania e lansoi rrjetin e parë komercial 5G dhe vazhdon ta zgjerojë rrjetin optik në territorin e Maqedonisë.

Lidership në tregun e TV-së

Makedonski Telekom e ruan lidershipin në tregun e TV shërbimeve me pjesëmarrje prej 34,3%. Cilësia dhe përvoja unike e bëjnë MaxTV-në ofertë jashtëzakonisht atraktive që kontribuoi për rritjen e numrit të abonuesve në 146 mijë, gjegjësisht, për 1,8 për qind në krahasim me periudhën e njëjtë të vitit të kaluar.

Rritje edhe në internet dhe shërbime celulare

Rezultate pozitive në kuartalin e parë ka edhe tek shërbimet celulare edhe në internet. Numri i abonuesve të internetit me shtrirje të gjerë është rritur për 2,7 për qind dhe është 198,4 mijë, ndërsa për 2,4 për qind janë rritur edhe qasjet në internet. Që këtu, pjesëmarrja e Makedonski Telekomit në tregun e internetit me shtrirje të gjerë në fund të tre muajve të parë të vitit 2022 është 49,3 për qind. Në komunikimet celulare, në fund të tremujorit të parë të këtij vitit, kompania ka pjesëmarrje në treg prej 48,5%, ndërsa baza e parapaguesv është rritur për 11,4 për qind. Në telefoninë fikse ngelemi në pozitën e liderit me pjesëmarrje prej 62,1%, gjegjësisht, 224 mijë abonuesish.

Rritje në segmentin e TIK

Në tre muajt e parë të vitit 2022, rritet përdorimi i TIK dhe zgjidhjeve Cloud dhe shërbimeve, gjë që çoi drejt rritjes së të ardhurave nga integrimi sistematik dhe shërbimet e TI-së për 12,8 për qind në krahasim me periudhën e njëtë të vitit të kaluar. Cilësia e shërbimeve TIK dhe zgjidhja dhe siguria e të dhënave që i ofron Makedonski Telekom e pozicionojnë si partner për digjitalizimin e bizneseve, për çka flet edhe trendi pozitiv në segmentin TIK.

Makedonski Telekom mbetet e përkushtuar në ndërtimin e rrjetit më të mirë dhe në ofrimin e shërbimeve më të mira të bazuara në teknologjitë e avancuara të kohës së re.

Pres Qendra

{{Title}}