На 16 Април Т-Mobile организира „Like day“ за своите Фејсбук фанови, кои можат да добијат бесплатни влезници за повеќе културни настани: театар, кино или посета на Зоолошка градина.

Семејството на T-Mobile фанови на Фејсбук ја надмина бројката од рекордни 100.000 членови. Оваа импресивна бројка на фанови на Фејсбук e резултат на заложбите на T-Mobile да биде постојано во комуникација со своите корисници, да биде блиску до нив, да ги слушне нивните потреби, барања и желби, како и заеднички да ги споделуваат сите незаборавни моменти за паметење.

Сега е време за едно големо „Like“ од T-Mobile за своите фанови. Затоа, T-Mobile на 16 април 2011 година, со цел да им возврати на подршката која ја добива во изминативе две години, организира „Like day“ ден посветен на своите фанови на Фејсбук, во четири града низ Македонија: Скопје, Велес, Прилеп и Битола. На овој ден, Фејсбук фановите на Т-Мобиле ќе можат да добијат бесплатни влезници за повеќе културни настани: театар, кино или посета на Зоолошка градина.

Билетите можат да се добијат со пополнување на апликација која ќе биде специјално креирана и поставена на Фејсбук страницата на T-Mobile. Фановите можат да изберат еден од понудените настани за кој ќе добијат по 2 бесплатни влезници. Апликацијата ќе биде достапна во периодот од 13 до 15 април кога ќе можат да се подигнат билетите.

Во Скопје фановите можат да добијат бесплатни влезници за: МНТ Театар Центар, Театар за деца и младинци, кино Милениум и Зоолошка градина. Во Битола пак, заинтересираните можат да аплицираат за претставите во Народниот театар и кино проекциите во Домот на култура. Фановите во Прилеп ќе добијат бесплатни влезници за претстава во театарот „Војдан Чернодрински“, додека во Велес за НУЦК „Јордан Хаџи Константинов-Џинот“.

Фејсбук страницата на T-Mobile е креирана во 2009 година. Секојдневно се зголемува бројот на фанови, кои преку нивниот „лајк“ ѝ даваат поддршка на најголемата мобилна компанија во земјава. Оваа страница, покрај коментарите, пофалбите и критиките од своите фанови, постојано ги надополнува своите соджини со фотографии, видеа, линкови и информации за сите понуди и вести поврзани со T-Mobile.

Сакајќи да остане дел од секојдневието на своите корисници, T-Mobile ќе продолжи и во иднина да им подготвува незаборавни моменти за споделување, не само на постојните туку и на новите Фејсбук фанови.

Информации

{{Title}}