Одржувајте состаноци онлајн, не возете се во службено возило повеќе од двајца колеги седнати еден зад друг, почитувајте го протоколот за прием на пратки и не заборавајте дека е забранет влез во МКТ зградите за надворешни лица. Погледнете ги сите детални мерки за заштита и безбедно однесување во работните простории на следниот линк.

Концентрирајте се на вашите цели кои сакате да ги постигнете. Запишете ги на лист хартија бидејќи 42% е поверојатно човекот да ги оствари своите цели, доколку истите ги запише на лист хартија. Пишувањето на целите прави 10 000 движења, кои креираат илјадници невронски патеки во нашиот мозок. На овој начин, ја поттикнуваме нашата потсвест да биде проактивна и да не насочи кон реализирање на целите.

Концентрирајте се на дишењето. Почувствувајте како дишете особено во ситуации кои ви предизвикуваат вознемиреност и анксиозност. Пронајдете мирно и тивко место, каде што можете да бидете сами и нормализирајте го дишењето. Преку дишењето внесуваме доволно кислород во нашиот организам и му помагаме на мозокот да се опушти. Додека дишете, бројте – до 4 вдишувајте, до 3 правете пауза, до 7 издишувајте. Повторете онолку пати колку што ви е потребно.

“Можеби не можете да ги промените работите во светот, но со сигурност можете да го промените својот свет.” – принцип на старата источна филозофија Јинг и Јанг. Грижете за себе и вашето ментално здравје. Проследете ги видеата и советите од психолозите и експертите за личен развој на следниот линк .