Спортот, музиката и културата се трите главни столбови на стратегијата за спонзорства на Македонски Телеком.

Во текот на 2014 година, го поддржавме спортот во Македонија во различни области и на тој начин придонесовме кон негов развој на едно повисоко ниво. Го поддржавме Охридскиот пливачки маратон, кој е еден од најголемите спортски настани во Македонија. Ја помогнавме организацијата на националниот Шарпланински куп, како и Мавровскиот меморијал на кои учествуваа и тимови од компанијата. Сите собрани финансиски средства од Мавровскиот меморијал беа донирани на центарот „Пораки“ за поддршка на луѓето со интелектуална попреченост. Го официјализиравме партнерството со победничкиот македонски спортски клуб Вардар.

Но не само во спортот, ние помогнавме и во организацијата на многу големи музички настани, кои со текот на годините станаа познати благодарение на нашата традиционална поддршка. Меѓународниот Скопски џез фестивал, концертите на најголемите балкански музички ѕвезди Бјело Дугме, како и македонските но меѓународно познати музичари Влатко Стефановски, Есма Реџепова и Тавитијан.

Светскиот музички и културен настан Охридско лето и Струшките вечери на поезијата беа само дел од нашите спонзорства во областа на културата.

Како едни од најголемите хуманитарци и како пример за донаторите во бизнис секторот во земјата, ја продолживме соработката со детската амбасада Меѓаши и со организацијата на жените поддржувајќи ги нивните активности за борба против ракот на дојката.

Систем за управување со стари батерии и мобилни уреди за 350.000 граѓани

Македонски Телеком стана партнер со Младинската организација за заштита на животната средина „Go green“ како резултат на заедничката цел за селектрирање на стари батерии и нефункционални мобилни уреди. Проектот вклучуваше седум општини и 78 училишта со повеќе од 15 000 ученици од цела Македонија. Освен едукација на учениците, проектот резултираше и со воспоставен систем за селектирање на отпадни батерии за повеќе од 350.000 граѓани. Финалната активност беше музички настан на кој 2500 граѓани собраа повеќе од 150 кг отпадни батерии.

pageArea reserved, leave empty!!!