ТЕХНОЛОГИЈАТА
ИСКОРИСТЕНА ЗА ДОБРО
Живееме во време на неограничени можности. Со технологијата што
ја имаме на располагање, секоја идеја е остварлива.
Запознајте ја Ема, 24-годишна пијанистка од Скопје. Таа е девојка со многу таленти и силна волја да ги оствари своите желби.
Но, тоа и не е толку едноставно ако имате оштетен вид. Пред сè, знаејќи дека во нашата земја музичката литература на Брајово писмо
не е лесно достапна.
Ема, како вистински претставник на својата генерација, го најде решението во модерната технологија.
На само еден клик од неа, таа има неограничена музика во која може да пронајде инспирација, аудио-книги за совладување на музичката теорија, како и голем број компјутерски алатки коишто и ги олеснуваат и работата и секојдневието.
Една од нив е и програмата со чија помош Ема ги чита музичките партитури. Некогаш во тоа и помагаа нејзините најблиски, но сега со оваа алатка таа самостојно ги чита напишаните ноти, а потоа ги претвора
во прекрасна мелодија.
Ема е одличен пример за тоа како во новото дигитално време, границите постојано се поместуваат.
Во годината што следи, користете ја технологијата за добро и поместете ги границите за себе и за средината во која живеете.
ЕДНАКВА ВКЛУЧЕНОСТ ПРЕКУ ТЕХНОЛОГИЈА
10 тимови, 50 учесници, 20 ментори, многу креативност, иновативност и многу промени!
Знаевте ли дека во Македонија, од сите ученици кои посетуваат настава, само 0,5% се деца и млади со попреченост?
Затоа Фондацијата Телеком за Македонија, Unicef и Smart Up го поддржуваат меѓунардониот предизвик за млади – Generation Unlimited, преку кој младите луѓе бараат решенија за дигитална инклузија на лицата со попреченост.
Дигитална инклузија е ефективно учество на сите во секој аспект на општествениот живот, преку користење на информациско-комуникациските технологии. Целта е да се отстранат бариерите, на сите да им се овозможи да учествуваат подеднакво, самоуверено и самостојно во секојдневните активности, образованието и пазарот на трудот.
Ви ги претставуваме петте тимови и нивните идеи, за чијашто реализација добија по 1.000 долари. Следните три месеци тимовите ќе работат на своите идеи, а потоа ќе се изберат две решенија, кои ќе бидат поднесени во глобалниот избирачки процес со цел да бидат препознаени како дел од осумте проекти на глобално ниво.