Дојче Телеком започна нова кампања „Европа“ во којашто заштитен лик е познатиот тенор Андреа Бочели.
„На Европа без граници и требаат комуникации без граници", вели Тимотеус Хотгес, Главниот извршен директор на Дојче Телеком
„Чувствувајте се поврзани низ цела Европа, со најдобрата мрежа“ ја поддржува стратегијата на ДТ Групацијата да стане „Водечка европска телекомуникациска компанија"

Дојче Телеком започна нова кампања „Европа“ во којашто заштитен лик е познатиот тенор Андреа Бочели. Со слоганот на кампањата „Чувствувајте се поврзани низ цела Европа со најдобрата мрежа“, славниот тенор и телекомуникациската компанија ја истакнуваат нивната заедничка верба во идејата за поврзана Европа, со што Дојче Телеком уште еднаш ја истакнува својата стратегија на ниво на Групација да стане водечки давател на телекомуникациски услуги.

Кампањата ќе се реализира во дванаесет земји членки на Групацијата Дојче Телеком, а Македонски Телеком прв се приклучи на почетокот на неделава, кога ја промовираше летната роаминг промоција којашто на корисниците им овозможува бесплатни 250 MB интернет и 50 минути во роаминг во 26 земји во Европа.

„Ние, Дојче Телеком, ја сметаме Европа за придобивка. Работиме на 13 европски пазари. Ова нѐ прави повеќе интернационални. Разменуваме идеи и информации меѓу нашите национални компании. Учиме едни од други, а тоа нѐ прави подобри. „Мрежната технологија и дигитализацијата се основа за комуникациите без граници. На Европа без граници и требаат комуникации без граници“, објаснува Главниот извршен директор на Дојче Телеком Тимотеус Хотгес, потврдувајќи ја важноста на европската идеја кога станува збор за претприемачките одлуки.

„Сакаме да продолжиме да инвестираме во нашата пан-европска мрежа и во иновативни услуги, со цел да го прошириме нашето технолошко лидерство во Европа и да нудиме најдобро корисничко искуство. Мрежата на иднината треба да поврзува што е можно повеќе луѓе, преку границите и да нуди максимизиран пропусен опсег, најдобра услуга и иновативни производи“, додава Клаудија Немат, член на Управниот одбор на Дојче Телеком АД одговорна за Европа и технологија.

„Не можете да видите што е тоа што ја поврзува Европа. Но можете да го почувствувате тоа."

Кампањата „Европа“ ја претставува поврзаноста на земјите и луѓето, преку мрежа којашто е невидлива, но која секогаш дава чувството на поврзаност. ТВ рекламата ја пренесува оваа идеја преку Андреа Бочели кој го изгубил видот на 12-годишна возраст. Тенорот го носи гледачот на едно вртоглаво патување низ Европа. Во придружба на емоционално привлечни слики и музика, тој ја објаснува важноста на моќта на мрежата за надминување на границите. Со ширум отворените раце, Андреа Бочели ја симболизира поврзаноста во рамките на целата оваа мрежа, низ цела Европа.

За Андреа Бочели, денешната мрежна технологија е едно од најголемите достигнувања на нашиот модерен свет. „Мрежата ја претвора Европа во заедница и ги зближува луѓето. Исто како мојата музика. Музиката е посебен јазик кој сите го разбираат - и на тој начин ги поврзува луѓето. „Животот е комплексна мрежа на односи со луѓето. Со помош на оваа мрежа и новите технологии, сакам да останам поврзан со сите луѓе кои ми се важни. Она што важи за музиката важи и за мрежата: Не можете да видите што е тоа што ја поврзува Европа. Но можете да го почувствувате тоа", вели тенорот.

Кампањата „Европа“ освен во Македонија, ќе биде претставена во Албанија, Австрија, Хрватска, Чешка, Германија, Унгарија, Црна Гора, Холандија, Полска, Романија и Словачка. Видеото за кампањата „Европа“ е достапно на следниот линк https://youtu.be/H2FZlovmpmM.

Македонски Телеком

Корпоративни Комуникации
press@telekom.mk
02/ 3242 – 506/566

Соопштенија за медиуми

{{Title}}