AKTO, Balkan music square, Струмица Опен Фестивал и Струшки вечери на поезијата забавуваа илјадници граѓани низ Македонија
Т брендот - верен партнер на македонската уметност, култура, музика и спорт

Т брендот во Македонија во август месец поддржа неколку различни активности и настани низ повеќе градови на Македонија, кои имаа за цел унапредување на спортот, музиката, културата и уметноста. Месецот започна доста активно, со одржувањето на неколкудневниот АKTO фестивал во Битола, годинава по седми пат, а продолжи со Balkan Music Square по 11-ти пат годинава, во организација на Трето Уво, а петта година со поддршката на Т брендот во Македонија. Секоја година фестивалот се одржува на отворено во Античкиот театар во Охрид, а гостите имаат можност да уживаат со музиката на наши познати музички имиња, ѕвезди од екс ју просторите, но и пошироко од Европа.

Август месец веќе 26-та година по ред е резервиран за најголемиот спортски настан кај нас, Охридскиот пливачки маратон, на кој околу дваесетина маратонци ја препливуваат 30 км долгата патека Климе Савин. Годинава се одржа на 19 август, во Охрид, со учество на дури шесторица Македонци, Евгениј Поп Ацев, Александар Илиевски, Александар Панчевски, Дејан Младеновски, Миро Крстевски, Александар Торомановски.

Инвестирање во развој и унапредување на младите е дел од стратегијата за социјална и општествена одговорност на Т брендот. Токму поради тоа соработката со Школата за млади лидери, на Претседателот на Република Македонија д-р Ѓорге Иванов, трае веќе две години и има за цел да им овозможи на младите и талентирани луѓе од Македонија да ги надградуваат и усовршуваат своите вештини, да ја развиваат својата креативност и менаџерски способности. Школата се одржува во Охрид, а за време на десетдневниот престој досега над 100-тина млади луѓе имаа можност бесплатно да ги поминат обуките за развој и унапредување.

Како дел од проектот на Т брендот за поддршка на општините низ Македонија, кој започна во 2011 година, општина Струмица годинава во август месец организираше неколкудневен настан исполнет со различни уметнички и културно забавни активности. Целовечерните забави со Прљаво казалиште, Психомодо Поп, Цеца Ражњатович, многу поетски вечери и театарски збиднувања, привлекоа посетители дури и од околните држави, а истовремено придонесоа Струмичани после долго време да почувствуваат дека во градот се враќа уметничкиот карактер.

Август месец 2012, Т брендот го заокружи со 51-то издание на Струшките вечери на поезијата. Од 23 до 26 август се одржува овој настан со светско реноме, кој е посветен на поезијата, а во кој учествуваат голем број на поети со свои излагања. Оваа година, темата е "Moже ли убавината да го спаси светот". А на 20 август во предворјето на црквата Св. Софија, после 40 дни музика и театар со уметници од кај нас и светот, се затвори и годинешното 52 издание на Фестивалот Охридско лето.

Ова лето беше обележано со многу музика, изложби, поетски вечери и театарски претстави реализирани со поддршката на Македонски Телеком и T-Mobile.

Информации

{{Title}}