Градот Скопје заедно со Македонски Телеком, Т-Mobile Македонија и Македонско - Германско стопанското здружение најавуваат бројни активности во пресрет на одбележување на новогодишните празници.

За овогодинешното празнично украсување и разубавување на Скопје ќе се погрижи Градот, а Македонски Телеком, Т-Мobile и Македонско - Германско стопанско здружение, најавуваат денови со богата културно - забавна програма, исполнети со многу дружење, забава и моменти вредни за споделување за сите генерации.

Во рамките на културно-забавната програма, која ќе започне на 25.12.2010 година и ќе трае до 31.12.2010, ќе се организира новогодишен пазар и забава за деца.

Новогодишниот пазар ќе биде поставен во центарот на Скопје пред влезот на Градски Трговски Центар. Во девет мали дрвени куќички ќе се продаваат автентични производи за германската култура.

Семејството Т секогаш мисли и на најмалите. Па затоа, во состав на новогодишните активности, на сцена која ќе биде поставена пред влезот на Градскиот Трговски Центар, дечињата ќе имаат можност да се забавуваат со неколку детски претстави, да уживаат во звуците на омилените детски песнички, како и да се фотографираат со Дедо Мраз.

Новогодишната празнична еуфорија ќе биде крунисана со прослава на плоштад „Македонија“ на 31 декември, каде сите граѓани на Р. Македонија ќе можат да го прослават дочекот на Новата 2011 со песната и изведбата на мега популарните хрватски ѕвезди, Петар Грашо и Данијела Мартиновиќ. Оваа ноќ ќе биде разубавена и со настапот на македонските поп и фолк ѕвезди Ребека, Елена Ристеска, Кристина Арнаудова, Арбен Шаќири, Сузана Спасовска, Соња Тарчуловска и Гоце Арнаудов. Поддржувачи на целиот проект се Германска Амбасада во Р. Македонија и ЕВН Македонија.

Информации

{{Title}}