Според рангирањето на Brand Finance Global 500 Дојче Телеком е највреден европски телекомуникациски бренд

Дојче Телеком достигна највисока вредност на брендот во својата историја, со 36,4 милијарди американски долари. Според рангирањето на Brand Finance Global 500, ова претставува зголемување од 10% во споредба со минатогодишната вредност. Со овој позитивен резултат компанијата повторно е највреден телекомуникациски бренд во Европа, пред Vodafone и Orange. Од неговото повторно воведување во 2008, вредноста на брендот постојано расте, и се зголеми за импресивни 309%.

Дојче Телеком е исто така вториот највреден германски бренд во светот, после BMW. По нив следуваат Mercedes-Benz, VW и Siemens.

Секоја година, Brand Finance ги определува највредните брендови во светот. Според консултантската фирма со седиште во Обединетото Кралство, рангирањето на Дојче Телеком е одраз на стабилната стратегијата за брендот. Исто така, телекомуникациската компанија успешно го продолжи својот позитивен деловен развој и минатата година, пришто истовремено направи долгорочни инвестиции во квалитетот на мрежата, иновациите и корисничките услуги, а сето тоа претставува основа за зголемување на вредноста на брендот.
Македонски Телеком е дел од Групацијата Дојче Телеком од 2006 година.

Повеќе информации за студијата Brand Finance Global 500 можете да најдете на веб страницата http://www.brandfinance.com

Brand Finance Global 500 составува ранг-листа на највредните брендови во светот според вредноста на брендот. Оваа вредност се мери во американски долари, a оваа година вреднувањето се изврши на 1 јануари 2017 година. Вредностите на брендот се пресметуваат врз основа на прашањето какви надоместоци за лиценца една компанија би морала да плаќа кога не би го поседувала брендот. Покрај вредноста на брендот, на секој од 500-те брендови му се доделува рејтинг за брендот: моделирана врз основа на кредитниот рејтинг, оваа вредност претставува репер за предностите, ризиците и потенцијалите на еден бренд во споредба со брендовите на конкуренцијата.

Соопштенија за медиуми

{{Title}}