Посветени на корпоративната одговорност

Да се биде глобален лидер во „Поврзан живот и работа“ значи да се биде и лидер во корпоративната одговорност. Тоа е составен дел од нашата стратегија. Свесни сме дека на општеството му е потребна нашата помош во повеќе области. Ние ги проширивме нашите активности и на заштита на животната средина и одржливост на економскиот развој преку инфраструктура и логистика и на градење на подобар живот за граѓаните преку подобрувања на различни сегменти од нивниот живот. Горди сме што ја имаме една од главните улоги во напредокот заедно со големите чинители во рамките на општеството. Веруваме дека нашата помош ќе доведе до подобрување на животот на различните категории на граѓани на кои тоа им е потребно и до здраво општество во целина.

Донација на Институтот по белодробни заболувања кај децата - Козле

Македонски Телеком донираше медицинска опрема на Институтот по белодробни заболувања кај децата – Козле, неопходна за побрза и поефективна дијагноза, како и третман на децата кои страдаат од заболување на белодробните органи. Донацијата се состои од 2 полисомниграфи и еден апарат за неинвазивна вентилација со кои ќе се врши скрининг на опструктивна ноќна апнеа, следење и дијагностичка проценка на кардио-респираторните нарушувања кај децата. Дополнително, апаратот за неинвазивна вентилација, помага дишните патишта на пациентите да бидат отворени, преку обезбедување на континуиран проток на воздух.

Болницата за белодробни заболувања кај децата Козле, е водечки Институт во нашата земја, но и регионот за комплексни респираторни проблеми кај децата. Целта на Институтот е да обезбеди целосна педијатриска нега на пациентите. Институтот по белодробни заболувања кај децата - Козле годишно згрижува 39.000 дечиња, од кои 4.000 се хоспитализираат, а 35.000 се лекуваат амбулантски.

Соопштенија за медиуми

{{Title}}