Национална награда за „Првите 5 најважни на свет“ на Фондацијата и УНИЦЕФ

Проектот „Првите 5 најважни на свет“, кој е продукт на партнерството на Фондацијата Т-Мобиле за Македонија и УНИЦЕФ, доби плакета за општествена одговорност од Националното координативно тело за општествена одговорност на претпријатијата и Министерството за економија.

Целта на кампањата, која стартуваше во 2013 година е промоција на важноста на развојот во раното детство и мобилизирање на поддршка за отворање на нови центри за ран детски развој. Центрите за ран детски развој се алтернатива за градинките во рурални и маргинизализирани средини, и се градат каде што не е економски исплатливо да се градат градинки. На овој начин децата кои доаѓаат од тие ранливи средини добиваат еднаква можност за рана едукација, која ќе им помогне да бидат подобри во училиште и воопшто во животот.

Досега од донацијата на Фондацијата Т-Мобиле за Македонија, од 50 000 УСД отворени се пет центри за ран детски развој, а ќе се отворат уште најмалку три во текот на годината. Дополнително се води кампања за вклучување на сите општини, поединци и бизнис ентитети во акцијата, за да се отворат што е можно повеќе центри.

Националната кампања е иницирана од Фондацијата и УНИЦЕФ, а е реализирана со помош на многу агенции, медиуми и поединци, кои ги обезбедија сите услуги без надомест, како и со поддршка на локалната самоуправа. Кампањата исто така е одговор на на потребата од зголемен пристап до услуги за ран детски развој. Вакви услуги пружаат единствено градинките кои се финансирани од државата и мал број центри за ран детски развој кои беа отворени со помош на УНИЦЕФ. Иако пристапот до овие услуги е двојно зголемен од 2005 година до сега, само 1 од 5 деца (22%) на возраст од 3 до 5 години посетува градинка или центар за ран детски развој.

Кампањата ќе продолжи и во 2014/2015 година.

Националната награда за најдобри општествено одговорни практики на претпријатијата се доделува седма година по ред, започнувајќи од 2008 година со цел да промовира позитивни практики на општествено одговорно делување и притоа да инспирира воведување и понатамошно унапредување на општествената одговорност кај претпријатијата во Македонија.

Информации

{{Title}}