Фондацијата Т-Mobile за Македонија денеска донираше мебел, со кој ќе се опреми една просторија во Детското село, која во иднина ќе се користи како конференциска сала за одржување на семинари и обуки за надворешни лица. Со оваа донација, Детското село ќе си обезбеди еден сигурен извор за самофинансирање.

Фондацијата, освен на Детското село, донираше мебел и на невладините организации „Калисто“ и „Интегрити“. Токму со овие три донации, Фондацијата Т-Mobile за Македонија го започнува месецот на активен волонтеризам во Македонски Телеком и Т-Mobile. Во овој месец, кој ќе трае до средината на ноември, ќе се организираат неколку донаторски акции, кои ќе бидат реализирани со поддршка на волонтери – вработени во двете компании. Ваквите општествено значајни активности, придонесуваат и за градење и зајакнување на корпоративна општествено одговорна култура.

Инаку, преку донацијата на мебел Фондацијата Т-Mobile за Македонија активно се вклучува и во поддршка на кампањата на Детско село „Помогни и ти“, за чија цел веќе е отворен број за донации 070 143 456. Со овие активности, Фондацијата станува партнер на Детско село во процесот на стабилно финансирање и подобрување на квалитетот на живеење на децата. Првото СОС детско село во Р. Македонија официјално започна со работа во 2002 година. Во моментов таму живеат 64 деца, 14 младинци во СОС Младинската заедница и 1 младинка во Програмата за полунезависно живеење. Фондацијата Т-Mobile за Македонија активно работи и го поддржува македонското општество веќе 7 години.

Информации

{{Title}}