Обединување на технологијата, музиката и природата

Со иновативниот музички проект „Гласот на езерото“ ја пренесовме пораката дека технологијата можеме да ја користиме за добро, за корисни и значајни работи за граѓаните, но и за целото општество.

„Гласот на езерото“ беше мошне значаен проект за компанијата, за манифестацијата „Охридско лето“, но и за сите нас воопшто, затоа што нè поттикна да станеме свесни за вредноста на нашите природни и културни богатства кои треба да ги зачуваме за генерациите што доаѓаат. И сето тоа со или преку технологијата.

Проектот ги обедини технологијата, музиката и природата и ја втемели нашата идеја за користење на технологијата за добро, фокусирајќи нѐ на нејзините позитивни страни. Допирот на композиторот Џијан Емин со неограничените можности на технологијата, резултираше со снимање на звуците на Охридското Езеро. Преку овој проект во реално време можеше да се слуша Охридското Езеро, со сите негови специфичности и посебности, доловено преку посебната музика креирана од Џијан. Како функционираа заедно технологијата и уметноста? Преку сложен компјутерски алгоритам кој „се хранеше" со активни податоци и варијабли директно врзани со Охридското Езеро (временски услови, период од денот, длабочина, жив свет, надворешни фактори и друго). Потоа, алгоритaмот сето тоа го „преведуваше“ во уметност - звучни мостри креирани од Џијан Емин. Со користење на технологијата за добро, на природниот спектакл за прв пат му беше даден глас!

Целиот уникатен музички проект нѐ потсети на убавините на Охридското Езеро, на неговото непроценливо значење и вредност, и исклучителната важност за негово зачувување. И сето тоа со или преку технологијата.

Статија

{{Title}}