ИДИВИДИ конечно го доби признанието кое што одамна го имаше заслужено - „Superbrands“, и се приклучи на редот најсилни македонски брендови.

На ИДИВИДИ секојдневно се објавуваат повеќе од 200 нови содржини, а во секое време може да се прочитаат веќе објавените, повеќе од 500.000 содржини
ИДИВИДИ месечно го посетуваат повеќе од 450.000 различни посетители
ИДИВИДИ сервисите овозможуваат интерактивност, пребарување, споделување содржини, едукација и забава за секој посетител
www.idividi.com.mk/recnik овозможува двонасочен превод на седум странски јазици, како и лексикон на странски зборови
Најчитани содржини се советите за здрав живот и животен стил, случувањата од светот на шоу-бизнисот, навремено пренесените ударни вести, и секако еротските содржини
ИДИВИДИ како канал за рекламирање успешно го користат повеќе од 50 препознатливи брендови

Интервју со Игор Савин, уредник на порталот на Македонски Телеком ИДИВИДИ

Што мислите, што беше пресудно да го изберат токму ИДИВИДИ за Superbrands?

Читателите од една страна, ИДИВИДИ од друга. Тоа се двата момента кои на ИДИВИДИ му го донесоа ова признание. Најголемиот виновник за промовирање на вредностите на ИДИВИДИ се самите посетители, кои со своите позитивни критики го потврдија квалитетот и успешноста на „човечето што чекори“. Препораката од еден на друг читател е најдрагоцената препорака која што може да ја посака еден бренд. Од друга страна е самиот ИДИВИДИ кој како прв македонски интернет портал покажа и докажа дека големите брендови се градат со голема посветеност, добро организиран тим и избор на вистинските информации во вистинското време.

Исто така не треба да го заборавиме и рангирањето на порталот на прво место од повеќе маркетинг агенции, како и од Македонскиот институт за медиуми. Тоа е несомнен доказ дека ИДИВИДИ е препознатлив бренд, портал број 1, а воедно е и потврда за квалитетот на содржините. Од друга страна, желбата да се помогне секогаш, секаде и во вистинско време, со навремена информација, го збогати ИДИВИДИ со многу признанија за успешна соработка со хуманитарни институции како поддржувач на ваков тип акции.

Тоа што го направи ИДИВИДИ поинаков од сите преостанати портали, е повеќегодишното искуство, посветеноста кон своите посетители и тенденцијата секогаш да се биде еден чекор пред другите. Скромните неколку илјади посети на самиот почеток, ни од далеку не навестуваа дека тогаш недостижниот број од 90.000 посети денес ќе стане реалност.

Ако мериме на скала од 1 до 5, колку силна беше реакцијата во тимот кога дознавте за наградата?

Добро се сеќавам во еден претходен разговор ме прашавте дали можам според некои мои субјективни мерила, да измерам колку единици креативност биле потребни за осмислување и реализација на оваа Интернет страница? Тогаш Ви одговорив дека не ми е позната оваа мерка, и Ве запрашав да не е некоја нова во SI системот!?. Еве повторно слична ситуација, со таа разлика што сега скалата е дефинирана :) Претпоставувам 5 би бил очекуваниот одговор, но најискрено верувајте не би можел за секој од тимот да кажам поединечно што почувствувал во тој момент, но верувам дека сите ИДИВИДИ го имаме како дел од себе. Секој успех на ИДИВИДИ е и успех на секој поединец од тимот, а не верувам дека има човек на кој личниот успех не би му предизвикал чувство на задоволство и желба за понатамошни успеси. Кога нешто работите кое навистина од сè срце го сакате и ќе добиете признание за сработеното е како да сте добиле 10-ка во индекс. Ете добра споредба, реакцијата во тимот, беше како кога студент ќе добие одлична оценка за сработеното. Реакцијата е моментална, а задоволството и желбата за нови победи е сè поголема.

За патот до тука...

ИДИВИДИ во веб просторот не се појави инцидентно, ниту пак, случајно. Уште од 1999 во рамки на Македонски Телеком функционираше првиот портал www.mt.net.mk, на кој покрај кориснички информации се објавуваа и вести од дневно–информативен карактер, додека содржините со забавен карактер можеа да се избројат на прсти. Ова воедно беше и пионерски чекор во Македонија кога станува збор за порталите.
Во 2004-та доменот www.mt.net.mk беше доделен на корпоративната веб страница на МТнет, а новото име ИДИВИДИ, беше избрано за делот кој прерасна во посебен портал, препознатлив по логото - човече што чекори. Оригиналната идеја за името потекна од желбата да се оди, да се види и да се дознае што има ново. ИДИВИДИ беше вистински избор, палиндром лесен за паметење и израз кој несвесно е дел од нашиот секојдневен речник.

Со лансирањето на новиот домен, беше промовиран и новиот содржински концепт на порталот. Во годините што следеа сè до денес, следејќи ги навиките, барањата и преференциите на корисниците, ИДИВИДИ секогаш одговараше на желбите на посетителите со збогатувањето на содржинската концепција и квалитетот на содржините. ИДИВИДИ се ориентираше кон создавање вести за секого, во секое време, вести на македонски, албански и англиски јазик.

Електронскиот, наспроти печатениот медиум, овозможи нов и специфичен начин на комуникација кој го направи ИДИВИДИ првиот препознатлив „гласник“ на модерното време.

Освен богатата ризница на информации, ИДИВИДИ е прв портал кој воведе 15 веб сервиси. Целта на овие сервиси е на нашиот посетител да му овозможат виртуелно катче каде што ќе може да го искористи своето слободно време во интеракција со другите посетители, но и на лесен и брз начин да дојде до бараната информација.

И што понатаму?

Заедно со читателите допринесовме за успешна Superbrands приказна која се раскажува во повеќе од 90 земји и станавме дел од Superbrands семејството за 2011/12 година со уште 42-компании во Македонија, избрани во конкуренција од околу 1.000 брендови. Да не беа читателите кои секојдневно го посетуваат сајтот секако ИДИВИДИ немаше да го добие ова признание, а читателите немаа да го посетуваат ИДИВИДИ доколку содржините не беа атрактивни, актуелни и интересно четиво, а пред се добра забава како за помладите така и за повозрасните. Овие моменти ги препознаа и луѓето од Superbrands. Тоа се моменти кои несомнено ги задоволија Superbrands критериумите и му го донесоа оваа признание на ИДИВИДИ, со што тој стана и прв македонски Superbrands портал.

Ова признание претставува поттик за ИДИВИДИ тимот кој во наредниот период ќе се стреми да ја зачува укажаната доверба и понатаму ќе одговара на сугестиите и барањата на читателите и на нивните 90.000 дневни посети ќе возврати со многу повеќе содржини. Воедно со сите сили ќе се бори да го задржи приматот на модерен информативен портал, препознатлив бренд, синоним за брзо и навремено информирање, особено денес кога во македонскиот web простор се појавуваат секојдневно сè повеќе нови портали и конкуренцијата станува сè поголема.

За крај еве една порака до сите што го читаат, а и до тие што не го читаат ИДИВИДИ: Нека ИДИВИДИ биде Вашата почетна ст(р)aница!

Информации

{{Title}}