Согласно член 460-г од Законот за трговските друштва, Македонски Телеком АД – Скопје (во понатамошниот текст: “Македонски Телеком” или “Друштвото”) известува дека е склучен Рамковен договор за соработка и услуги со Маѓар Телеком, како зделка со заинтересирана страна со оглед дека Маѓар Телеком е единствен акционер на Каменимост Комуникации АД, акционер кој поседува 56,67% акции со право на глас (издадени акции) во Македонски Телеком.

Со Одлука на Одборот на директори на Македонски Телеком донесена на редовниот состанок на 16 септември 2015 година одобрено е склучувањето на овој Рамковен договор за соработка и услуги со Маѓар Телеком, како зделка со заинтересирана страна, за обезбедување на услуги во врска со Центрите за заеднички услуги за фиксен пристап кои ќе ја зголемат ефикасноста на развојните и оперативните активности, ќе ги оптимизираат трошоците и ќе ги испитаат дополнителните бизнис потенцијали за платформи ориентирани кон иднината.

Вредноста на Рамковниот договор е до 196.177 евра, а неговата реализација и соодветните исплати од страна на Македонски Телеком кон Маѓар Телеком ќе се вршат до 31.12.2018 година.

Информации

{{Title}}