Во денешно време телефонските повици и преносот на податоци се вообичаени и секојдневни. Но, како, всушност, функционира сето ова?

За да ги користиме нашите смартфони додека сме во движење, потребна е технологија и базни станици. Едноставно кажано, смартфоните се радио врска до најблиската базна станица. Нивните антени ги фаќаат сигналите и ги препраќаат во радио централата. Сигналот понатаму се пренесува преку преку нашата мрежа до бараната конекција или Интернет.

Ако приемникот е исто така мобилен, повратниот повик доаѓа од фиксна мрежа преку радио централа и најблиската базна станица до смартфонот.

Секоја базна станица може во исто време да поддржува одреден број повици и да пренесува одредено количество податоци. Таа ги обезбедува таканаречените радио ќелии кои опслужуваат одредена област.

Радио ќелиите имаат различни големини зависно од бројот на корисниците и фреквенцијата на мобилниот телефон.

Сè повеќе луѓе телефонираат или споделуваат податоци во помали зони во рамки на градовите, затоа постојат повеќе базни станици со помали радио ќелии, за да се постигне оптимално покривање. Ова вообичаено се случува на места каде што има густ јавен сообраќај, како што се: пешачките зони, железничките станици или автобуски постојки.

Затоа, таканаречените мали ќелии сè повеќе се градат на вакви места.

Тие имаат мал опсег, но ја надополнуваат постојната мобилна мрежа и обезбедуваат дополнителен капацитет на мрежата.

Досега 4G или LTE технологијата беше најдобра технологија во поглед на брзината на пренос на податоци. Но, со развојот на 5G технологијата, податоците ќе можат да се пренесуваат со многу поголема брзина. Во иднина, апликациите во реално време ќе можат да се користат и на поголеми далечини.

Интернет на нештата, видео преносот и онлајн игрите досега беа овозможени со 4G. Со 5G технологијата ќе добиеме многу повеќе, како на пример: вмрежана индустрија, AR апликации и автономно возење.

Друга предност ќе биде тоа што 5G антените ќе можат попрецизно да комуницираат:

наместо да се врши емитување во сите насоки, 5G ќе овозможи целно емитување до еден или група корисници. На тој начин ќе се заштеди енергија и значително ќе се зголеми капацитетот на радио станицата.

Покрај тоа: мобилните антени и терминалите секогаш ќе функционираат со најмала можна моќност за да се одржува конекцијата.

Токму затоа, колку што е пораспространета мобилната мрежа, толку ќе биде понизок степенот на емитување на сигналот.

Статија

{{Title}}