Фондацијата T-Mobile за Македонија и оваа година организира хуманитарен Новогодишен карван. Од 23 до 29 декември, волонтерите на Фондацијата организираа новогодишни претстави и поделија новогодишни пакетчиња на над 900 деца низ Македонија.

Секоја година се посетуваат разни установи, за да се опфатат што повеќе деца, но целта останува иста – да се даде таму каде што е најпотребно. Се посетуваат установи во кои престојуваат деца без родители, деца со телесен инвалидитет, со оштетен слух и вид, деца со посебни потреби итн.

Оваа година, Новогодишниот карван ги посети: Здружението за слепи и деца со оштетен вид во Скопје, Заводот за заштита на телесно инвалидни деца и младинци „Партение Зографски“- Бања Бањско, Заводот за рехабилитација на деца и младинци со оштетен вид „Димитар Влахов”во Скопје, Заводот за рехабилитација на деца и младинци со оштетен слух „Кочо Рацин” во Битола, Завод за рехабилитација на деца и младинци во Скопје, Детскиот дом „11 Октомври“ во Скопје, СОС Детското село, „Порака“ - дневниот центар за лица со интелектуална попреченост, Центарот за поддршка и образование на Pоми „КХАМ“ во Куманово, Детската клиника, Детската болница во Козле, Детската хирургија, Неврохирургија, Државна болница – Онкологија, Заводот за рехабилитација на звук, говор и глас Битола и Заводот за ментално здравје на деца и млади - Скопје.

Оваа акција во која учествуваа волонтери од Фондацијата, вработени во T-Mobile и Македонски Телеком се организира секоја година, уште од самото основање на Фондацијата во 2002 година.

Информации

{{Title}}