Колку често размислувате за вашата безбедност на интернет? Ова прашање е особено важно во време на забрзана дигитализација кога повеќето од нас ја преселија канцеларијата дома, децата учат во онлајн училници и сè повеќе комуницираме и го водиме бизнисот на интернет. Во овие услови, ризикот од потенцијални онлајн закани е сè поголем. Phishing, Тројански вирус, Malware и Ransomware се само дел од опасностите коишто можат да направат ненадоместлива штета.

Безбедноста на вашите податоци е приоритет број еден

„Кога зборуваме за заштитата на интернет, мислиме дека ни треба предзнаење или професионална помош, но не е така.“ - вели Александар Јончевски од Македонски Телеком. „Многу лесно можете да ја заштитите домашната мрежа со SafeNet HOME, дополнителна услуга којашто нуди напредна интернет безбедност и автоматски ги блокира потенцијалните закани. Доколку ја имате оваа услуга, секоја веб страница што ја отворате вие или вашите деца ќе биде проверена, а вашата мрежа ќе биде заштитена од малициозни содржини и интернет закани. Доколку страницата не е безбедна, пристапот веднаш се блокира. На вакви страници можете да наидете преку сурфање на интернет, отворање линк добиен преку е-пошта, реклама (банер) на некоја веб страница што ветува лесна заработка, линк до некоја бесплатна атрактивна игра, бесплатен пристап до содржини коишто обично се плаќаат или други придобивки. Сепак, колку и да внимавате можете да отворите некоја сомнителна страница позади која стојат закани како кражба на личните податоци, бришење или блокирање пристап до содржините на компјутерот, шпионирање на активностите преку уредот, кражба на идентитетот, пристап до несоодветни содржини и слично. Токму поради тоа многу е важно да имате соодветна заштита.“

Освен домашните мрежи, малите и средните бизниси се идеална мета за сајбер криминалците - тие најчесто се минимално или воопшто не се заштитени, не располагаат со соодветна и безбедна инфраструктура, и токму затоа само во изминатата година, 47% од малите бизниси се соочиле со еден сајбер напад, а дури 44% од нив и со повеќе напади.

„Да го земеме за пример Ransomware, којшто е сериозен тип на закана кој минатата година предизвикал загуби во бизнисот од 20 милијарди долари на светско ниво. Тој најчесто се „пренесува” како вграден во датотеките што се преземаат или преку фишинг пораки, коишто со еден клик предизвикуваат енкрипција - заклучување на сите кориснички датотеки.“ – вели Бојан Велевски од Македонски Телеком. „SafeNet OFFICE постојано врши 24/7 анализа на заканите коишто доаѓаат од интернет сообраќајот и проактивно обезбедува напредна заштита и филтрирање на истиот. Во случајот на Ransomware, корисникот добива инстантно известување за блокирана страна на екранот, коешто укажува дека се работи за веб страница со сомнителна содржина и дава препорака да не се посетува страницата. Бидејќи се работи за cloud услуга, не се потребни инсталации и ажурирања на софтверот. SafeNet OFFICE функционира тивко во позадината, без да предизвика забавување на перформансите на корисничките уреди. Освен домашната и бизнис мрежата, со SafeNet MOBILE заштитена е и мобилната мрежа. SafeNet нуди напредна интернет безбедност и автоматски ги блокира потенцијалните закани уште пред тие да дојдат во контакт со корисничките уреди. што секојдневно нè демнат на интернет може да се надминат со соодветна заштита.

Статија

{{Title}}