Наградуваниот режисер, Азгер Лет и Дојче Телеком (ДТ) се здружуваат во создавањето на првиот интерактивен игран филм „Move On“ (Продолжи)
Мадс Микелсен, ѕвездата од филмовите „Казино Ројал“, „Тројца мускетари“, „Чудовишта наспроти Вонземјани“ и „Судирот на титаните“ ја игра главна улога
Корисниците од Македонија ќе учествуваат во креирање на филмот преку предлагање на локации за снимање, избор на музика, а ќе имаат и можност да добијат една од улогите во „Move on”

Корисниците на T-Home и T-Mobile ќе бидат дел од снимањето на холивудски патеписен филм „Move on“ (Продолжи). Ова неверојатно искуство за македонските граѓани е резултат на соработката на Дојче Телеком со холивудскиот режисер Азгер Лет со цел да го креираат „Move on“, првиот интерактивен патеписен игран филм. Главната улога во филмот му е доверена на Мадс Микелсен, ѕвездата од филмовите „Казино Ројал“, „Тројца мускетари“, „Чудовишта наспроти Вонземјани“ и „Судирот на титаните“.

За прв пат во филмската историја, корисници од 11 европски земји членки на Дојче Телеком Групацијата, меѓу кои и од Македонија ќе имаат уникатна можност да учествуваат во процесот на создавање на еден високо буџетен филм. Почнувајќи од пред-продукцијата, па сè до завршувањето на филмот, корисниците благодарение на производите и услугите на мобилниот интернет на Дојче Телеком ќе можат да креираат елементи од филмот: да предложат локации за снимање, да имаат улога на виртуелни кастинг агенти, да влијаат на изборот на музиката, а дел од нив и да бидат актери во самиот филм, со што ќе помогнат во реализацијата на овој возбудлив проект.

Со реализацијата на овој проект, корисниците на Дојче Телеком од Македонија, Албанија, Австрија, Бугарија, Хрватска, Чешка Република, Германија, Унгарија, Црна Гора, Холандија и Словачка имаат можност да креираат уникатен заеднички филм и да станат дел од неповторлива авантура, што е дел и од бренд филозофијата на Дојче Телеком (ДТ) - „Сподели доживувања“.

Љубителите на филмот од Македонија ќе можат да дознаат повеќе за овој предизвик и да се приклучат на ова креативно патување преку сајтот www.move-on-film.mk.

Сценариото за овој патеписен филм е внимателно креирано од страна на наградуваниот сценарист Мет Гринхалг, со цел да ги поттикне корисниците да можат да се изразат и мислат на креативен начин. Приказната е за патувањето на еден човек низ различни предели на Европа и неговата мисија да испорача еден мистериозен сребрен куфер и да го заштити по секоја цена, со помош од луѓето во секоја земја. Истовремено, режисерот Лет и неговиот тим ќе можат да бидат во контакт со корисниците од цела Европа, а креативните идеи и иницијативи на публиката ќе бидат инкорпорирани во продукцијата која ќе се реализира во 8 земји, а треба да заврши за период од само 30 дена.

„Многу сум возбуден од идејата за вклучување на толку многу луѓе во ова креативно патување. Сметам дека ќе можеме да креираме нешто навистина уникатно и привлечно, и навистина гледам на овој проект како дел од следното поглавје од начинот на кој се создаваат филмовите“, вели Азгер Лет, сценаристот на филмот „Move on“.

„Досега сум играл мистериозни ликови, но идејата да се игра лик на човек кој патува низ Европа не е само иницирана од режисерот, туку претставува вистински предизвик за мене којшто со нетрпение го очекувам“, вели Мадс Микелсен, главниот актер во филмот „Продолжи“.
Во суштина, „Move on “ е приказна за мисијата на еден човек да остане еден чекор понапред од остатокот на светот додека е во движење. Дојче Телеком е еден од најголемите провајдери на производи и услуги за мобилен интернет во Европа, одржувањето на луѓето во контакт е нешто за кое што Дојче Телеком знае многу. Имајќи го во предвид сценариото, техничките и комуникациските барањата за снимање филм на повеќе локации, како и можноста на корисниците да им се овозможи незборавно искуство во правењето на филм, го прави партнерството со Азгер и „Move on” природно и разбирливо.

Биографии:

Режисер: АЗГЕР ЛЕТ

Синот на реномираниот дански режисер, Јорген Лет, Азгер Лет го привлече вниманието на публиката со извонредниот филм „Духовите на Cite Soleil“ за којшто ја доби наградата на DGA за извонредно режисерско достигнување за документарен филм во 2008 година. Неговата комерцијална работа вклучува спотови за Данските игри, Мерцедес и ECPAT, организацијата чија цел е сузбивање на сексуалната злоупотреба на малолетници. Последниот игран филм на Азгер е големиот студиски проект „Човек на работ“, со Сем Вортингтон, Ед Харис, Џејми Бел и Елизабет Бенкс во главните улоги.

Сценарист: МЕТ ГРИНХАЛГ

По неговата признаена работа на ТВ комедии и драми, Мет Гринхалг ја започната својата плодна филмска кариера со издавањето на „Контрола“ во 2007 година. „Контрола“ е биографски филм за фронтменот на Joy Division, Иан Куртис, којшто ја доби наградата Најдобар британски независен филм на Британските награди за независен филм, а Мет ја доби и наградата Карл Формен за најнадежен дебитант на наградите БАФТА во 2008 година. Вториот игран филм на Мет, „Момчето од никаде“ претставува хроника на почетоците на младиот Џон Ленон, со Арон Џонсон, Кристин Скот Томас и Ен Мари Даф во главните улоги и беше номиниран за наградата „Извонреден британски филм“ на наградите БАФТА во 2010 година. Мет ги напиша и режираше двата кратки филма „Изгореници од киселина“ и „Девојката од супермаркетот“, а неговиот најнов игран филм „Кралот на Сохо“ во моментов се снима во Лондон, под режисерката палка на Мајкл Винтерботом со Стив Куган и Ана Фрил во главните улоги.

Информации

{{Title}}