Фактор, мај 2020

Драги корисници, колеги, партнери,

Во време кога се соочуваме со сериозна епидемија, начинот на кој живееме и работиме е потполно сменет. Во овие услови, наша обврска е да останеме смирени, солидарни, но и двојно повеќе фокусирани на нашата општествена улога.

Во периодот што следи, дигиталната комуникација ќе биде клучна за да може да се одвива производството, бизнисите, но и комуникацијата со нашите најблиски. Сега, имаме голема одговорност. Нашиот приоритет е да ги одржиме беспрекорни капацитетот на мрежата и интернет пристапот. Ве уверувам дека сите наши ресури се насочени да обезбедиме непречена комуникација.

Во овие услови најважен е човечкиот фактор и солидарноста и ние имаме морална обврска да ги заштитиме нашите вработени и нивните семејства. Сите колеги чијашто работа тоа го дозволува работат од дома, максимално посветени и свесни дека треба да дадат сè од себе.

Нашите вработени од корисничките сектори кои работат на терен се нашите херои, а ние се грижиме да ги следат советите за заштита и во услови на директен контакт со корисниците.

Здравјето на луѓето е најважно, затоа мора да сме сигурни дека ќе обезбедиме постојана комуникација и услуга. Секојдневно ги прилагодуваме процесите на работење, за да функционираме и да одговориме на сите барања, побрзо од вообичаено.

Свесни за стратешката улога на комуникацијата во кризни ситуации, ги ставаме на располагање нашите комуникациски капацитети на надлежните, но се грижиме и за бизнисите и приватните корисници. Го зголемивме двојно капацитетот на интернет за деловните корисници кои според препораките работат од дома, но и за приватните корисници, за сите да останеме поврзани, без исклучок.

Ние сме дел од општеството и ќе останеаме будни, посветени и солидарни во борбата со оваа глобална закана.

Останете дома, останете здрави, тука сме за вас.

Со почит, Никола Љушев

Вест

{{Title}}