Зголемени приходите од интернет и дигитална телевизија за 3 отсто во 2012
172 илјади корисници на DSL, што е пораст за 7 отсто во споредба со 2011 година
Пораст од 66 отсто во делот на IPTV, што резултира со 67 илјади MaxTV корисници на крај на 2012
Вкупните приходи на Македонски Телеком и на Т-Мобиле Групацијата за 2012 година изнесуваат 13,8 милијарди денари
Нето добивката е во висина од 3,8 милијарди денари

Македонски Телеком АД-Скопје и Т-Мобиле Македонија ја задржаа водечката позиција на пазарот минатата година и покрај силното пазарно опкружување, покажуваат консолидираните финансиски резултати за 2012 година, согласно Меѓународните стандарди за финансиско известување (МСФИ). Во 2012 година продолжува трендот на пораст во интернет и IPTV сегментот, а се намалуваат приходите од говорните услуги.

Македонски Телеком во 2012 година остана на лидерското место со 73 отсто пазарно учество во сегментот на фиксна телефонија и во делот на широкопојасниот интернет со удел од 54 отсто, согласно интерните податоци. Приходите од интернет и од дигиталната телевизија во 2012 година се зголемени за 3 отсто во споредба со 2011 година.

Бројот на интернет корисниците минатата година се зголеми за 7 отсто во однос на претходната 2011 година, како резултат на фокусот на double и triple play пакетите, што резултира со 172 илјади DSL корисници на крајот од 2012 година. И покрај тоа што приходите од говорните услуги во фиксната телефонија се намалени за 6 отсто во споредба со 2011, со бројката од 296 илјади корисници Македонски Телеком во 2012 година ја задржа водечката позиција на пазарот.

Во 2012 година Македонски Телеком бележи исклучителни резултати во делот на дигиталната телевизија. Па така, во изминатата година има пораст на MaxTV корисници од 66 отсто споредено со 2011 година, резултирајќи со вкупен број од 67 илјади претплатници на IPTV услугата. Македонски Телеком стана лидер на пазарот со својата MaxTV услуга. Зголемувањето на MaxTV корисниците е резултат на ексклузивните тв содржини, високо квалитетната услуга, интерактивноста, големиот број на канали согласно потребите на членовите во семејството, како и на единственото тв искуство која го овозможува кристално чистата слика во HD резолуција.

„Зад нас останува уште една успешна година, година во која забележавме исклучителни резултати, особено во делот на широкопојасниот интернет и дигиталната телевизија. Додека други чекаат кризата да помине, ние не губевме време, го зајакнавме менаџирањето на трошоците и инвестиравме. Во 2012 година имавме 5,2 милијарди денари капитални инвестиции, затоа што сме свесни дека само на тој начин ќе успееме да ја зацврстиме нашата позиција на технолошки лидери и да обезбедиме дополнителна конкурентска предност. Работиме во сериозна конкурентска средина, но сме многу чекори понапред од нив. Со искуството што го имаме зад себе и капацитетите со кои што располагаме, не постојат граници за нас. Не се само иновациите и квалитетот наши препознатливи предзнаци. Она што не дистинцира од останатите е тоа што ние секогаш сме подговени да учиме, да се менуваме и подобруваме. Затоа, сите расположливи капацитети се ставени годинава да ги зајакнеме сите сегменти на нашето работење. Ќе се фокусираме на обезбедување нови и атрактивни тв содржини, ќе ја завршиме модернизацијата на мрежата, ќе работиме на проширување на оптиката, ќе понудиме нови B2B и ИКТ решенија согласно светските трендови, а прилогодени на потребите на потрошувачите“, изјави главниот извршен директор на Македонски Телеком, Даниел Сас.

Интензивната конкуренција во мобилната телефонија, влијаеше на намалувањето на приходите во мобилната телефонија, што е резултат на намалувањето на корисничката база. Сепак, напроти острата ценовна војна со 1,2 милиони претплатници во 2012 година Т-Мобиле Македонија е лидер во мобилната телефонија, достигнувајќи удел од 48 отсто, согласно интерните податоци.

Кај македонските корисници, согласно светските трендови, се забележува зголемена побарувачка за пренос на податоци. Па така, Т-Мобиле Македонија има зголемување на продажбата на паметни телефони за 80 отсто во однос на 2011 година. Според податоците, околу 45 отсто од корисниците на паметни телефони се и активни корисници на мобилен интернет. Во 2012 година бројот на корисници на мобилен интернет со претплата е зголемен дури за 159 отсто. Експанзијата е поттикната од политиката на компанијата да се обезбедат паметни телефони и мобилен интернет, по цени достапни за секој корисник.

Вкупните приходи на Македонски Телеком и на Т-Мобиле Групацијата во 2012 година изнесуваат 13,8 милијарди денари. Нето добивката на Македонски Телеком и на Т-Мобиле Групацијата во 2012 година е во висина од 3,8 милијарди денари.

„Оваа година ќе биде година на промени, година во која што ќе мора да се прилагодуваме на пазарот со цел да обезбедиме стабилност на приходите. Ќе бидеме внимателни и ќе ги предвидуваме потенцијалните ризици. Ќе се фокусираме на зајакнување на сегментите кои што ќе осигураат не само развој, туку ќе обезбедат дополнителни приходи со што ќе се компензираат пред сè загубите од говорните услуги. Постигнувањето на планот за 2012 година е фактор кој што ќе не мотивира годинава, но истовремено ќе претставува солидна основа за превземање на стратешки чекори со кои ќе можеме да се соочиме со предизвиците. Без оглед на сè, ние ќе го дадеме најдоброто од себе за доброто на нашите корисници, за доброто на општеството во кое што работиме, докажувајќи се како достојни и фер бизнис партнери“, изјави Славко Пројкоски, главен директор за финансии во Македонски Телеком и Т-Мобиле Македонија.

Информации

{{Title}}