Големи признанија за Македонски Телеком и T-Mobile Македонија доаѓаат од самите вработени кои ги избраа своите компании како најдобри работодавачи во Македонија во анонимно истражување спроведено од специјалната агенција за вработување, селекција и управување со човечки ресурси “Triple S Group”. Вработените го оценија однесувањето на своите компании како работодавачи со високата оценка 4.96 на скалата од 1 до 5.

Во посебно организираната анкета којашто се спроведуваше во текот на месец јуни, учествуваа многу истакнати компании од македонското бизнис милје, вклучувајќи ги и Македонски Телеком и Т- Mobile. Според добиените резултати, Македонски Телеком ја освои титулата „најдобар работодавач“ за 2011 година во категоријата најдобар работодавач за компании над 500 вработени, а Т- Mobile го освои второто место во истата категорија.

Две награди за еден тим

На свечената церемонија на доделување на наградите што се одржа во средината на септември во Скопје, плакетите за „Најдобар работодавач 2011“ (прво и второ место) му беа врачени на г-динот Даниел Сас, Главен извршен директор на Македонски Телеком и Претседател на Одборот на директори на T-Mobile Македонија.

Г-динот Сас најнапред им честита на вработените во двете компании кои се заслужни за добивањето на епитетот „најдобри“. „Би сакал да им заблагодарам и во исто време да им честитам ним; тие се мотивирачката сила во нашето работење и тие ги земаат сите заслуги. Двете награди кои ги добивме нè обединуваат во еден голем тим. Јас само ја имам честа да ги земам овие награди во име на вработените“, изјави г-динот Сас.

Она што ја прави оваа награда посебна е фактот што претставува гласот на вработените во Македонски Телеком и T-Mobile, кои доброволно го споделија своето мислење за потребите на ова извонредно истражување спроведено во Македонија.

Работна околина што ги исполнува очекувањата на вработените

Гласното искажување на мислењето дава основа за понатамошно насочување на работењето. Во овој момент, таквата награда ја потврдува грижата на двете компании за професионалниот развој на своите вработени во средина којашто ги исполнува нивните очекувања.
„ Од тука треба да продолжиме, вели г-динот Сас, и заедно треба да претставуваме пример за балансирана работна средина, во која сите се почитуваат едни со други, се потпираат еден на друг и работат за остварување како на личните, така и на компаниските предизвици“.

Тоа, несомнено, ќе доведе до многу други признанија!

Информации

{{Title}}