Кошаркарскиот клуб МЗТ ќе биде поддржан во натпреварувачката сезона 2011/2012
Доколку МЗТ биде примен во НЛБ Јадранска Лига, спонзорството ќе биде продолжено во наредните четири сезони

Македонски Телеком и T-Mobilе Македонија денеска потпишаа Писмо за намери со кошаркарскиот клуб МЗТ. Писмото за намери претставува потврда за идна соработка и спонзорство на Македонски Телеком и T-Mobilе Македонија на кошаркарскиот клуб МЗТ, кое треба да се финализира со потпишување на Договор за спонзорство, пред почетокот на натпреварувачката сезона.

Согласно Писмото за намери, кошаркарскиот клуб МЗТ ќе биде спонзориран во натпреварувачката сезона 2011/2012, при што клубот ќе се натпреварува во дресови брендирани со логото на Македонски Телеком и T-Mobilе Македонија. Доколку клубот успешно ги заврши преговорите и биде примен во НЛБ Јадранска Лига, поддршката од Македонски Телеком и од T-Mobilе Македонија ќе биде продолжена во наредните четири сезони, почнувајќи од 2012 година.

Писмото за намери со кошаркарскиот Клуб МЗТ Аеродром произлегува од стратешката определба на Македонски Телеком и на T-Mobilе Македонија да го поддржуваат македонскиот спорт и да соработуваат со клубови кои се подготвени да настапуваат во националните и регионалните спортски натпреварувања од прв ранг и да остваруваат високи спортски резултати.

„Македонски Телеком е активно ангажирана во сите сфери во македонското општество. Сепак, морам да нагласам дека спортот е во фокусот на нашата поддршка, што го докажуваме со денешното потпишување на Писмото за намери со кошаркарскиот клуб МЗТ. Поддршката на спортот е особено значајна затоа што тој претставува фактор на општествено обединување. Од друга страна, преку спортот младите луѓе се изградуваат во силни личности кои во животот имаат високо зацртани цели и се стремат за постигнување на врвни резултати, исто како и кошаркарите или другите спортисти. Ова е само почеток на нашата идна соработка, која се надевам дека ќе прерасне во цврсто и сигурно партнерство“, изјави г-дин Даниел Сас, главен извршен директор на Македонски Телеком, АД-Скопје.

„T-Mobilе како компанија секогаш е подготвена да инвестира и да го поддржува спорот, бидејќи тој ги зближува луѓето и меѓу себе споделуваат моменти за паметење. Како лидери на пазарот кои на своите корисници им го нудат само најдоброто, очекуваме и од кошаркарскиот клуб МЗТ да оствари врвни резултати, не само на домашен терен, туку и на регионалните натпревари. Нема да бидеме нескромни ако кажеме дека во МЗТ го гледаме новиот кошаркарски шампион во Македонија. Ние искрено се надеваме дека МЗТ ќе биде клуб за кој сите ќе навиваме и заеднички ќе се радуваме на остварените успеси“, изјави г-дин Жарко Луковски, главен извршен директор на T-Mobilе Македонија.

Претседателот на МЗТ Скопје Аеродром Сашо Босилков изрази задоволство од идната соработка со Македонски Телеком и T-Mobilе Македонија. При тоа, тој истакна дека поддршката доаѓа во вистински момент и дека благодарение на соработката со двете компании, обновениот тим на МЗТ Скопје Аеродром има дополнителен мотив и полесно ќе ја оствари својата цел во престојното првенство-национален првак во кошарка!

Информации

{{Title}}