Мавровски хуманитарен велеслалом

Македонски Телеком и T-Mobile се докажани поддржувачи на спортот и активни партнери во хумани цели. Така беше и викендот од 25 до 27 февруари. Два големи настани, едниот на Маврово, другиот на Попова Шапка, беа топ дестинација за љубителите на скијањето.
Во Маврово, по деветти пат се оддржа аматерскиот хуманитарен велеслалом, на кој покрај екипи од Македонски Телеком и T-Mobile, присуствуваа и претставници од други големи компании

На оваа дводневна аматерска ски трка учествуваа вкупно седум екипи во мешан состав, меѓу кои и нашиот врвен менаџмент, кои ги бранеа боите на Македонски Телеком и T-Mobile. Импресиите од целокупниот настан научесниците беа навистина позитивни. Независно од постигнатите резултати, на сите им беше особена чест што скијале во добротворни цели.

Како и годините наназад откога се одржува овој хумантирен велеслалом на Маврово, чиј главен организатор е скијачкиот центар „Заре Лазаревски“, и овој пат собраните средства ќе се доделат на оние на кои им се најмногу потребни. Впрочем, главната цел на оваа зимска манифестација е средствата собрани од котизацијата на претставниците на македонската бизнис елита да се донираат на разни маргинални групи во општеството. Оваа година средствата одат на сметката на Специјалната олимпијада за учество на ЛОИ (Летните олимписки игри).

За своето учество и несебично залагање на овој хуманитарен настан, претставник на Специјалната олимпијада врачи медал на T-Mobile, кој го прими Главниот извршен директор Жарко Луковски. „Ова признание што го добиваме за нашето активно учество на овој хуманитарен настан е, секако, одраз на нашата цел зошто сме тука. Значи, не дојдовме да освојуваме позиции, а овој медал е само уште една потврда за нашата корпоративна одговорност“, изјави г. Луковски.

Т поддршка и за Шарпланинскиот куп

Истиот викенд, на ски патеките на Попова Шапка по 38 пат, пак се одржа и традиционалниот Шарпланинскиот куп, кој како и досега, така и оваа година беше поддржан од Македонски Телеком и T-Mobile.

Со ангажирањето на словенечката скијачка легенда Бојан Крижај како директор на натпреварите, Шарпланинскиот скијачки куп станува врвна скијачка манифестација, која ја афирмира Македонија во Европа и поширико.

На 38. издание на Шарпланинскиот куп, кој, поради фактот дека за првпат се одржал во 1947 година, е најстара скијачка манифестација на Блаканот, учествуваа 29 скијачи од Србија, Грција, Словенија, Австрија, Шведска, Словачка, Франција, Албанија, Црна Гора како и домашни учесници. Севкупниот победник, традиционално како награда доби и куче Шарпланинец, како симбол на Шарпланинскиот куп.

Информации

{{Title}}