Младите иноватори e-Bionics се прогласени за севкупни победници на глобалниот младински предизвик Генерација без граници 2019/2020, кој се одржа во Њујорк во конкуренција со 180 тимови од 36 земји во светот. Нивното решение – Venus Arm (Раката на Венера), 3Д печатена бионичка рака наменета за лицата со недостаток на горен екстремитет, победи во категоријата на возраст под 18 години.

Digital Inclusion, партнерство на Фондацијата Телеком за Македонија и УНИЦЕФ
Тимот e-Bionics се финалисти од Младинскиот предизвик за дигитална инклузија, како дел од партнерството на Фондацијата Телеком за Македонија и УНИЦЕФ. Младите беа поканети преку јавен повик да креираат иновативни решенија како одговор на прашањето „Како може дигиталната технологија да придонесе кон поактивно вклучување на децата и младите во образованието и во секојдневниот живот?“. Успешните кандидати учествуваа во работилници, а петте најдобри беа наградени со парична награда и дополнително менторство. Два тима беа одбрани да учествуваат и да ја претставуваат нашата земја на глобалниот натпревар. Средношколците Орхан Багашов, Борис Ночески, Анамариа Илиева и Тео Китановски, мотивирани да создадат достапно решение за полесен живот на лицата со недостаток на горен екстремитет, покажаа дека технологијата е моќна алатка со која може да се направи вистинска разлика. Нивното решение – Venus Arm, 3Д печатена бионичка рака, ќе го подобри пристапот до протетички помагала. Постојните решенија на пазарот се протези со цена која надминува десетици илјади евра, додека нивното решение може да се изработи за околу 250 евра, да се отпечати на 3Д принтер, лесно да се монтира и да се користи. Тимот ќе добие дополнителни средства во износ од 15.000 американски долари и прилагодена глобална програма за инкубација од партнерите на Генерација без граници, за да ја прошири својата иницијатива.
Глобалниот успех на e-Bionics и нивното решение зборува за големиот потенцијал на младите во нашата земја, кои доколку ги поддржиме можат да бидат предводници во создавањето хумано дигитално општество. Дознајте повеќе за нив и за другите глобални победници https://uni.cf/GenUYC2winners.

Вест

{{Title}}