Од 7-ти до 19-ти октомври, во иновативниот центар на Македонски Телеком кој се наоѓа на плоштадот Македонија, ќе се одржи мултимедијална изложба под името „Патување низ историјата на Џезот“.

Оваа изложба, која е во организација на Македонски Телеком и Т-Мобиле Македонија има за цел да го доближи џезот до пошироката публика преку интерактивен и мултимедијален пристап токму во период кога се одржува и култниот „Скопски Џез фестивал“.

Изложбата ќе им понуди на посетителите запознавање со основите на џезот, со неговите почетоци и основоположници – правејќи го џезот подостапен за сите, со помош на технологијата.

Изложбата е одлична можност за сите кои што би сакале да се запознаат со музиката што го одбележа 20-тиот век и со нејзините најпознати претставници како Луис Армстронг, Дјук Елингтон, Дизи Гилеспи, Мајлс Дејвис, Чик Кореа и уште многу други оригинални личности и музички гении.

Освен основни информации за запознавање со џезот, изложбата ќе се осврне и на интересни факти и анегдоти поврзани со овие луѓе, нивните гледишта и нивниот стил на живот.

Информации

{{Title}}