Организација на Градот Скопје и поддршка од Т-Мобиле и Македонски Телеком
Популарна македонска музика и забава до раните утрински часови

И оваа година градот Скопје со поддршка на Македонски Телеком и Т-Мобиле Македонија го организираат традиционалниот дочек на Новата година, на плоштадот Македонија.

За највеселата ноќ граѓаните ќе се забавуваат со музиката на македонските и воедно интернационални ѕвезди Калиопи и Тијана, Мустафа Имери, младиот но реномиран музички уметник со одличниот тенор и широк репертоар, како и добро познатите Роберт и Панки,со своите добро докажани динамични настапи.

Новогодишниот концерт ќе започне во 21.00 часот, a се очекува да трае до раните утрински часови. Вистинска кулуминација ќе се случи точно на полноќ кога небото над Скопје ќе го осветли спетакуларен огномет.

И оваа година се очекува одлична забава со познати музички рефрени, динамични настапи, врвни аудио визуелни ефекти, како и незаборавен огномет.

Градот Скопје, Т-Мобиле и Македонски Телеком ги канат сите граѓани што сакаат да ја дочекаат Новата година на отворено, да бидат дел од овој настан вреден за паметење.

Информации

{{Title}}