Заштитата на животната средина и климатските промени се најгорливите проблеми денес и сите ние, бизнис секторот, надлежните институции, граѓанските здруженија,.. имаме обврска заедно да учествуваме во решавањето на овие проблеми. Како иновациски лидер наша задача е да ја искористиме технологијата како еден од најголемите адути во борбата за здрава животна средина.

Заштитата на животната средина е дел од нашата стратешка определба, а делуваме на повеќе начини:

Намалување на емисијата на штетни гасови

Како голема компанија, одговорни сме директно да влијаеме за намалување на емисијата на штетни гасови. На ниво на Дојче Телеком Групацијата, нашата цел е да постигнеме 100% користење електрична енергија од обновливи извори од 2021 година. Ќе ги намалиме и другите емисии од гас, нафта и други извори на енергија. До 2030 година, планираме да ги намалиме нашите емисии на CO2 за 90 проценти во споредба со 2017 година. Целта на Групацијата до 2030 година е да се намалат емисиите на CO2 по корисник за 25 проценти во споредба со 2017 година.
Инвестираме во ефикасни мрежни технологии и оптимизирање на нашите дата центри. Исто така го подобруваме управувањето со енергијата во нашите објекти и имаме поставено јасни граници за CO2 емисии за возниот парк на нашата компанија. Во таа насока, ги ангажираме и вработените кои преку интерна апликација ќе можат да видат како нивните навики влијаат на намалување на CO2 емисиите.

Еко иницијативи

Освен одговорноста за сопственото работење, преземаме и заеднички иницијативи со надлежни институции и иноватори за борба против загадувањето. Работиме на зголемување на бројот на сензори кои го мерат нивото на загадување на воздухот, во соработка со надлежните институции и научни установи, а поддржуваме и идејни решенија за прочистување на воздухот, како што е решението патентирано од ФИНКИ и Земјоделскиот факултет.

Заштеда на енергија преку Cloud

Дигитализацијата го менува нашето општество. Ние ја поддржуваме оваа промена која ги поедноставува и ги збогатува животите на луѓето. Меѓутоа, зголемената дигитализација бара многу енергија и затоа ние сме посветени кон поефикасно искористување на енергијата и намалување на потрошувачката на енергија на нашите мрежи. Посветени сме да им помогнеме на нашите корисници да ги зачуваат ресурсите и да ја намалат нивната потрошувачка на енергија преку решенија како нашата растечка понуда на одржливи производи и услуги. Овие решенија им помагаат на милиони корисници на Дојче Телеком да намалуваат тони CO2 секоја година. Со користењето на софтвер и ИТ инфраструктура директно во TelekomCloud, нашите многу ефикасни дата центри трошат до 80% помалку енергија во споредба со она што се случува кога корисниците користат нивна сопствена инфраструктура.

Иновации за подобра животна средина - решенија за паметен град

Градовите се соочуваат со огромни економски и еколошки предизвици и токму технологијата ќе биде клучен фактор за надминување на овие проблеми. Дигиталните решенија го подобруваат квалитетот на животот и овозможуваат урбаниот живот да стане поодржлив со намалување на потрошувачката на енергија, загадувањето со светлина и бучава и намалување на емисиите на CO2. И тоа е итно потребно, затоа што градовите се одговорни за повеќе од 70 проценти од глобалните емисии на СО2.

Паметните градови не се далечна визија на иднината. Паметно осветлување, паметно управување со отпад, паметен паркинг, паметно полнење електрични возила... Доколку се воведат овие решенија, ќе помогнат да се оптимизираат градските ресурси, да се намалат трошоците, граѓаните ќе имаат подобри услуги, поголема безбедност, ќе се заштити животната средина и со сето тоа ќе се подобри квалитетот на живот.

Статија

{{Title}}