Ексклузивно, само за корисниците на MaxTV, ја најавуваме премиерата на документарецот за црногорската уметница со светска популарност, Марина Абрамовиќ, со наслов „Марина Абрамовиќ: Уметникот е тука“.

Премиерата е на „HBO“, на 28. март во 21:35 а репризите ќе се емитуваат на 29. март во 13:25 и 31. март во 16:00. Од 1. април ќе биде достапен и преку услугата „HBO On Demand“.

Марина Абрамовиќ е родена во Белград во 1946 година и веќе 40 години го редефинира поимот на уметноста, каков што до сега го познававме. Таа е една од најмоќните уметници на нашето време. Го користи сопственото тело како медиум, создава перформанси што предизвикуваат, шокираат и трогнуваат. Таа, исто така, е и гламурозна икона во светот на уметноста, контроверзен симбол и мит во самосоздавање.

Документарецот „Марина Абрамовиќ: Уметникот е тука“ нè води во светот на Марина, следејќи ја додека се подготвува за еден од најважните мигови во нејзиниот живот, големата ретроспектива на нејзиниот опус во њујоршкиот Музеј на модерната уметност. Да се претстави својата ретроспектива во еден од најважните светски музеи, за секој уметник претставува највисоко достигнување. За Марина тоа е и многу повеќе. Тоа е шанса конечно да одговори на прашањето што постојано го слуша цели четири децении. А тоа е: „Зошто ова е уметност?“

Информации

{{Title}}