Македонски Телеком е првата компанија во Групацијата Дојче Телеком и во Европа со мрежа целосно базирана на интернет протокол. Оваа мрежа ќе ги интегрира мобилните комуникации и фиксната мрежна технологија, што ќе овозможи нов продукциски модел базиран на cloud.

Целта на Дојче Телеком е до крајот на 2018 година сите корисници низ цела Европа да бидат мигрирани на интернет протокол. А, Македонски Телеком прв ја почна приказната за пан - европска мрежа.

IP технологијата користи интернет протокол за пренос на говор, што овозможува да се користат услуги од новата генерација и така да се одговори на сé поголемите потреби на корисниците во иднина.

Новата технологија ги замени дигиталните централи, а со IP нови производи и услуги можат да се воведат само за неколку дена. Исто така, се овозможи и одличен аудио квалитет при разговор, пристап до различни услуги преку само еден уред, побогато портфолио на мултимедијални, конвергирани услуги, широкопојасен интернет за секој корисник како и Cloud услуги и итна ИТ поддршка преку далечински пристап за бизнис корисниците.

IP мрежната технологија овозможи воведување на револуционерната Широкопојасна услуга на барање, целосно нов концепт кој им овозможува на корисниците онлајн да нарачаат пристап на интернет со голема брзина секогаш кога им е потребен со само еден клик.

И ова е само почеток: Оваа технологија во иднина ќе овозможи обезбедување на уште повеќе услуги; ќе придонесе за подобрување на образованието и на здравствените услуги, поефикасно управување со енергијата, и тоа се само неколку области каде што се можни придобивки. Компанијата инвестираше 13 милиони евра, инвестиција што е значајна не само за Македонски Телеком, туку и за Македонија.

Информации

{{Title}}