Одборот на директори на Македонски Телеком АД-Скопје, на состанокот одржан на 11.05.2011 година, го избра г-дин Даниел Сас за Извршен член на Одборот, во функција на Главен извршен директор на Друштвото со мандат од 1 јули 2011 година. Г-динот Даниел Сас доаѓа на местото на г-динот Николај Бекерс. Истовремено, г-динот Сас е избран и за претседател на Одборот на Директори на T-Mobile Македонија АД.

Новиот Главен извршен директор на Македонски Телеком, г-динот Даниел Сас, во рамките на својата богата и успешна кариера, бил на повеќе различни менаџерски и финансиски раководни позиции во компаниии од автомобилската индустрија, како што се Opel и GM Daewoo. Во 2004 година преминува во T-Online Hungary Plc, како главен директор за финансии, додека пак од 2007 година како претседател на Одборот на директори на Црногорски Телеком ја води оперативната, организациската и деловната транзиција на оваа подружница на Маѓар Телеком.

Одборот на директори на Македонски Телеком АД-Скопје му се заблагодари на Николај Бекерс за неговиот ангажман и за постигнатите одлични резултати во изминатите четири години. Како Главен извршен директор на Македонски Телеком, тој го донесе Т брендот на македонскиот пазар и ја постави основата за изградба на силна пазарна позиција на компанијата, во услови на конкурентното опкружување и за остварување на компаниските таргети. За време на неговиот мандат, го зајакна тимскиот дух, а како резултат на напорната работа и заедничка посветеност на вработените, компанијата лансираше многу иновативни продукти и услуги, креирани согласно растечките потреби на корисниците.

На чело со г-динот Николај Бекерс како Главен извршен директор, Македонски Телеком ја разви 3G мрежата, го започна проектот за поставување на оптичка мрежа и за прв пат на македонскиот пазар беа воведоа 3 Max пакетите и IPTV услугата. За време на Светското фудбалско првенство, компанијата го лансираше 3 Screen продуктот, иновативна и уникатна услуга со која Македонски Телеком ја потврди својата лидерска позиција на пазарот.

Под раководство на г-динот Бекерс, Македонски Телеком бележи остварување на одлични финансиски резултати и исклучителната профитабилност, една од највисоките во Дојче Телеком групацијата.

На состанокот, Одборот на директори на Македонски Телеком им ги продолжи договорите на г-ѓа Бранка Павошевиќ - Главен директор за човечки ресурси, на г-дин Матијас Ханел - Главен директор за маркетинг и на г-дин Торстен Алберс - Главен директор за техника на Македонски Телеком. Договорите се продолжени заклучно до 31.12.2013 година.

Одборот на директори на T-Mobile Македонија, пак на својот состанок одржан на 11.05.2011 година, го одобри Проектот за модернизација и проширување на постојната 2G и 3G мобилна мрежа. Модернизацијата и проширувањето на мрежата е предуслов за задржување на лидерската позиција на T-Mobile на пазарот, за воведување на нови иновативни технологии, подобрување на квалитетот на услугите и производите кои им се нудат на корисниците, зголемена сигурност и овозможување на побрз и поголем проток на сообраќај.

Проектот за модернизација и проширување на постојната 2G и 3G мобилна мрежа ќе се реализира од 2011 до 2015 година, а сумата која ќе се инвестира изнесува повеќе од 20 милиони евра.

Информации

{{Title}}