Промотивната цена на СМС во T-Mobile мрежата важи за сите при-пејд и пост-пејд резиденцијални и бизнис корисници
Приходот од СМС пораките ќе биде дониран во хуманитарни цели

T-Mobile како компанија, која што води исклучителна грижа за националните вредности и за општествената благостојба на граѓаните и на државата воопшто, на одбележувањето на дваесет годишнината од независноста на Република Македонија обезбеди посебна промотивна поволност за корисниците.

Сите при-пејд и пост-пејд резиденцијални и бизнис корисници, на Денот на независноста, 8 Септември во периодот од 00:00 до 24:00 часот ќе можат да испраќаат СМС пораки во мрежата на T-Mobile по промотивна цена од 1 денар со ДДВ. Промотивната цена од 1 денар за СМС порака важи за сите тарифни модели. Оваа цена не се однесува за T-Mobile корисниците кои ќе бидат надвор од државата. Средствата собрани од СМС пораките испратени на 8 Септември, ќе и се префрлат на Фондацијата T-Mobile за Македонија, којашто ќе ги искористи за донација, како општествено добро и бенефит за сите граѓани на Република Македонија.

Со оваа поволност, T-Mobile им овозможува на корисниците заеднички да се вклучат во одбележувањето на Денот на независноста, што треба да претставува ден на општествено обединување. Од друга страна, со донирање на собраните средства во хуманитарни цели, компанијата ја покажува својата општествена одговорност и подготвеност за помагање не само на ранливите групи во заедницата, туку и на сите граѓани, овозможувајќи им на тој начин подобри услови за живеење, просперитет и интеграција во општеството.

Информации

{{Title}}