Македонски Телеком и T-Mobile, со цел збогатување на понудата за забава и рекреација во најголемиот туристички центар во Македонија, поставија понтонски мостови на вкупно 6 локации долж брегот на Охридското езеро. Понтонските мостови или платформи се наменети за вкотвување на лесни пловни објекти како што се чамци, глисери, лесни бродови или скутери.

Понтонските мостови се поставени на потегот од село Трпејца до село Радожда. Лесни пловни објекти, отсега граѓаните ќе можат да вкотвуваат на плажите Потпеш, Немо и Кадмо, пред хотелот „Тино“, пред ресторанот „Рибар и Вила Милан“ во Трпејца, како и пред ресторанот „Мариј Блаж“ во Радожда.

Дополнително, на овие локации Македонски Телеком и T-Mobile поставија Telekom HotSpot точки, преку кои сите посетители можат да се приклучат на интернет и промотивно да сурфаат бесплатно и неограничено. Посетителите освен што ќе се забавуваат и уживаат во водените лудории во Охрид, преку новата Telekom Hotspot мрежа, ќе можат да се информираат за најновите случувања во светот, да ја проверат својата е-пошта, да постават фотографии од својот одмор и да бидат постојано онлајн на Facebook, да гледаат видеа на YouTube или пак, да се поврзат со својата канцеларија.

„Со поставување на понтонските мостови, Македонски Телеком и T-Mobile им овозможуваат на сите сопственици на глисери, скутери за вода или бротчиња да уживаат на охридските плажи и во забавата на вода. На овој начин, ние како компании покажуваме општествена одговорност и грижа не само за безбедноста на пловилата, туку и за безбедноста на граѓаните и на посетителите во нашиот туристички бисер, кои отсега ќе можат да уживаат во водните лудории и забава во Охрид. Екслузивно и за прв пат ова лето, Македонски Телеком и T-Mobile на сите граѓани и туристи им овозможуваат незаборавни моменти, поголема забава и уживање на охридското крајбрежје со безжичниот интернет кој го обезбедивме преку Тelekom HotSpot мрежата“, изјави г-динот Жарко Луковски, главен извршен директор на Т-Mobile Македонија.

Пуштањето во употреба на понтонските мостови на Македонски Телеком и T-Mobile во Охрид се одбележа со забава на плажата „Потпеш“, на која настапија ѕвездите од М2 Продукција и Влатко Илиевски.

Информации

{{Title}}