Популарна македонска музика ќе се слуша до раните утрински часови
Многу музика и забава за почеток на Новата 2013 година

Традиционално организираниот дочек на Новата година, на плоштадот Македонија, оваа година ќе биде исполнет со музиката на македонските музички ѕвезди. Градот Скопје, со поддршката на Т-Mobile и Т-Home најавува незаборавна забава, со музички настап на Нокаут, Тамара Тодевска, Роберт Саздов, Тони Зен, Аделина Таири, Дани, Бени, како и изведби на познати македонски ДЈ звезди.

Новогодишниот концерт ќе започне во 20.00 часот, a се очекува да трае до раните утрински часови. Вистинска кулуминација ќе се случи точно на полноќ кога небото над Скопје ќе го осветли спетакуларен огномет, овозможен од двете компании.

„Традиционално веќе долги години по ред придонесуваме во создавањето на настан кој по убаво ќе го паметат сите македонски граѓани. Сакаме да овозможиме убав почеток на Новата година за сите граѓани кои ќе ни се придружат во заедничката прослава на плоштадот Македонија во гостопримлива, спокојна и забавна атмосфера.“ - изјавија од Македонски Телеком и Т-Мобиле Македонија.

Оваа година ќе бидат поставени големи екрани на кои сите посетители, преку испраќање на СМС пораки, ќе можат да ги испраќаат своите желби и честитки за што поубава и побериќетна 2013.

Компаниите ги покануваат сите граѓани кои сакаат да се забавуваат на отворено со своите сограѓани, да ја прослават новогодишната вечер на Плоштад Македонија во Скопје.

Информации

{{Title}}