T-Mobile Македонија, со цел да ја олесни комуникацијата на повозрасната популација, ја збогати понудата на мобилни телефони. Во соработка со австриската компанија Emporia, T-Mobile нуди два нови телефони:Talk Premium и Elegance, кои со своите карактеристики одговараат на потребите и барањата на повозрасните корисници, пензионерите, како и на лицата со посебни потреби.

Новите телефони еmporiaTALKpremium и emporiaELEGANCE имаат елегантен дизајн, лесни се и практични за употреба, наменети пред сè за повици и за СМС пораки. Апаратите располагаат со македонско мени, имаат многу големи копчиња на тастатурата и голем фонт на бројките и буквите на екранот, со што се обезбедува оптимална читливост. Дополнително, телефоните располагаат и со посебно силен звучник кој е прилагоден за оние што носат апаратче за слушање, имаат јака вибрација, странични копчиња со најважните карактеристики и вградена светилка.

Со тарифниот модел „Пензионер“, новите телефони се достапни по многу поволни услови. Цената на телефонот еmporiaTALKpremium, во постпејд со Доверба 24 за новите и постечки корисници, во тарифниот модел „Пензионер“ изнесува само 1 денар. Додека, пак, телефонот emporiaELEGANCE, во постпејд со Доверба 24 чини 990 денари. Телефоните се достапни и за заинтересираните припејд корисници.

Тарифниот модел „Пензионер“ кој е креиран само за потребите на пензионерите, овозможува најниска месечна претплата од само 236 денари, која што може во целост да се искористи за разговори и пораки. Разговорите помеѓу сите пензионери корисници на оваа тарифа, чинат само 3,43 денари за минута. Наскоро, T-Mobile подготвува дополнителни поволности и изненадувања за сите корисници на тарифниот модел „Пензионер“.

Со новата понуда на телефони наменети за повозрасната популација и за лицата со посебни потреби, T-Mobile покажува дека ги следи потребите на сите свои корисници и им овозможува производи и услуги, креирани според нивните барања.

Австриската компанија Emporia, која е партнер на T-Mobile, развива, произведува и продава мобилни телефони за повозрасната популација, која е растечката таргет група. Заеднички во соработка со врвни партнери, Emporia креира телефони според потребите на корисниците, со цел да им ја поедностави комуникацијата.

Информации

{{Title}}